ଭାରତରେ କରୋନାଭାଇରସ୍: ମୁମ୍ବାଇରେ ୬୫ ବର୍ଷିୟ କରୋନାଭାଇରସ୍ ଆକ୍ରାନ୍ତ ମୃତ
ମୁମ୍ବାଇ: ମୁମ୍ବାଇରେ ଜଣେ ୬୫ ବର୍ଷିୟ କରୋନାଭାଇରସ ଆକ୍ରାନ୍ତଙ୍କର ମୃତ୍ୟୁ ଘଟିଥିବା କଥା ମଙ୍ଗଳବାର ଦିନ ପୌରନିଗମ କହିଛି । ଏହାକୁ ମିଶାଇ ମୁମ୍ବାଇରେ କରୋନାଭାଇରସ୍ ସଂକ୍ରମଣଜନିତ ମୃତ୍ୟୁସଂଖ୍ୟା ୩ରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ସେ ବ୍ୟକ୍ତିଜଣକ ନିକଟ ଅତୀତରେ ୟୁନାଇଟେଡ୍ ଆରବ ଏମିରେଟସରୁ ଅହମଦାବାଦ ଆସିଥିଲେ। କିଛି ଦିନ ପରେ ସେ ଜ୍ୱର, କାଶ ଏବଂ ଶ୍ୱାସକ୍ରିୟାରେ କଷ୍ଟ ପାଉଥିବା କଥା ଅଭିଯୋଗ କରିଥିଲେ ବୋଲି ବୃହନମୁମ୍ବାଇ ମୁନିସପାଲ କର୍ପୋରେସନ ଏକ ବିବୃତିରେ କହିଛି ।
ଏହାଛଡ଼ା ସେ ବ୍ୟକ୍ତିଙ୍କର ଉଚ୍ଚ ରକ୍ତଚାପ ଏବଂ ଗୁରୁତର ମଧୁମେହ ଭଳି ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ମଧ୍ୟ ଥିଲା । ଚିକିତ୍ସା ନିମନ୍ତେ ତାଙ୍କୁ ମାର୍ଚ ୨୦ ତାରିଖ ଦିନ ମୁମ୍ବାଇସ୍ଥିତ କସ୍ତୁରବା ହସପିଟାଲକୁ ଅଣାଯାଇଥିଲା । କିନ୍ତୁ, ତାଙ୍କର ସ୍ୱାସ୍ଥ୍ୟବସ୍ଥାରେ ଆହୁରି ଅବନତି ଘଟିଲା ।
ସୋମବାର ବିଳମ୍ବିତ ସନ୍ଧ୍ୟାରେ ସେ ବ୍ୟକ୍ତିଙ୍କର ମୃତ୍ୟୁ ଘଟିଲା ବୋଲି ବିଏମସି କହିଛି ।
ପ୍ରାପ୍ତ ସୂଚନା ଅନୁସାରେ ସମଗ୍ର ଦେଶରେ ଏବେ କରୋନାଭାଇରସ ଆକ୍ରାନ୍ତଙ୍କ ସଂଖ୍ୟା ୫୦୦ ଟପିଯାଇଛି । ସେମାନଙ୍କ ମଧ୍ୟରୁ ୩୫ଜଣ ସୁସ୍ଥ ହୋଇଛନ୍ତି ଓ ୯ ଜଣଙ୍କର ମୃତ୍ୟୁ ଘଟିଛି ।