ଫାଇଜର୍ ଓ ମଡର୍ଣ୍ଣା ପରେ ଏବେ ସିନୋଭାକ୍ ଟିକାରେ ଦେଖିବାକୁ ମିଳୁଛି ସୁଫଳ
ନୂଆଦିଲ୍ଳୀ: ଫାଇଜର୍ ଓ ମଡର୍ଣ୍ଣା ଟିକା ପରେ ଏବେ ସିନୋଭାକ୍ ବାୟୋଟେକ୍ ଦ୍ବାରା ବିକଶିତ ଚୀନୀ ଟିକାରେ ମଧ୍ୟ କରୋନା ଭାଇରସ ବିରୋଧରେ ଲଢ଼ିବାର କ୍ଷମତା ଦେଖିବାକୁ ମିଳିଛି। ବ୍ରାଜିଲରେ ଚାଲିଥିବା କ୍ଲିନିକାଲ୍ ପରୀକ୍ଷଣରେ ସ୍ୱେଚ୍ଛାସେବୀମାନଙ୍କ ଉପରେ ଏହି ଟିକାର ସୁଫଳ ଦେଖା ଦେଇଛି। ଫାଇଜର୍ ଓ ମଡର୍ଣ୍ଣା ଟିକା ପ୍ରାୟ ୯୦ ପ୍ରତିଶତ ସଫଳ ହୋଇଛି ବୋଲି କମ୍ପାନି ପକ୍ଷରୁ ଦାବି ହେବା ପରେ ପରେ ଏହି ଟିକା ମଧ୍ୟ ଏବେ ସେହି ଦୌଡ଼ରେ ସାମିଲ୍ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଆମେ ଜାଣନ୍ତି ଯେ ଫାଇଜର୍ ଟିକା ପାଇଁ ଅତ୍ୟଧିକ ଥଣ୍ଡା ସ୍ଥାନର ଆବଶ୍ୟକତା ରହିଥିବା କାରଣରୁ ଏହି ଟିକାଟି ଆମ ଦେଶ ପାଇଁ ସେତେଟା ଉପଯୁକ୍ତ ସାବ୍ୟସ୍ତ ହେବ ନାହିଁ ବୋଲି ଆଶଙ୍କା ରହିଛି। ମାତ୍ର ସେ ଦୃଷ୍ଟିରୁ ସିନୋଭାକ୍ ଉନ୍ନତ। ତେବେ ସିନୋଭାକ୍ରେ ସେତେଟା ଆଣ୍ଟିବଡି ସୃଷ୍ଟି କ୍ଷମତା ନାହିଁ ବୋଲି ଜାଣିବାକୁ ମିଳିଛି।
ଉଲ୍ଲେଖଯୋଗ୍ୟ, କୋଭିଡ ଟିକା ପ୍ରସ୍ତୁତି କ୍ଷେତ୍ରରେ ସଫଳତା ଦାବି କରିଥିବା ଆମେରିକୀୟ ଔଷଧ କମ୍ପାନି ‘ଫାଇଜର୍’ର ଟିକାରେ ଥିବା କେତେକ ତ୍ରୁଟି ସାମନାକୁ ଆସିଛି । ପରୀକ୍ଷଣ ବେଳେ ଏହି ଟିକା ଦିଆଯାଇଥିବା ସ୍ବେଚ୍ଛାସେବୀମାନଙ୍କ ଶରୀରରେ ମୁଣ୍ଡବିନ୍ଧା ହେବା, ମୁଣ୍ଡ ଓଜନିଆ ଲାଗିବା, ମାଂସପେଶୀ ଦରଜ ହେବା ଓ ଜ୍ବର ଆଦି ଦେଖାଯାଉଛି । କରୋନା ଟିକା ବାହାର କରିବା ଦିଗରେ ବାୟୋଟେକ୍ନୋଲୋଜି କମ୍ପାନି ମଡର୍ଣ୍ଣା ମଧ୍ୟ ସଫଳତା ଆଡକୁ ଅଗ୍ରସର ହେଉଛି ବୋଲି ବି ପୂର୍ବରୁ ତଥ୍ୟ ପ୍ରକାଶ ପାଇଛି।