ଗ୍ରେଟର ନୋଏଡାରେ ନିର୍ମାଣ ହେବ ଦେଶର ପ୍ରଥମ ରାଷ୍ଟ୍ରୀୟ ପୁଲିସ ବିଶ୍ୱବିଦ୍ୟାଳୟ
ଗ୍ରେଟର ନୋଏଡା : ନିର୍ମାଣ ହେବାକୁ ଯାଉଛି ଦେଶର ପ୍ରଥମ ରାଷ୍ଟ୍ରୀୟ ପୁଲିସ ବିଶ୍ୱବିଦ୍ୟାଳୟ । ଗ୍ରେଟର ନୋଏଡାରେ ଏହାକୁ ନିର୍ମାଣ କରାଯିବା ସହ କେନ୍ଦ୍ର ଗୃହ ମନ୍ତ୍ରାଳୟ ଏହାର ସମସ୍ତ ଖର୍ଚ୍ଚ ବହନ କରିବେ । ବିଶ୍ୱସ୍ତରୀୟ ରାଷ୍ଟ୍ରୀୟ ପୁଲିସ ବିଶ୍ୱବିଦ୍ୟାଳୟ ନିର୍ମାଣ କରିବା ପାଇଁ ଗୃହ ମନ୍ତ୍ରାଳୟ ପ୍ରାଥମିକତା ଦେବ ବୋଲି କହିଥିବା ବେଳେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ବିଶ୍ୱବିଦ୍ୟାଳୟ ନିର୍ମାଣ ହେବା ପରେ ସେଠାରେ, ପୋଲିସିଙ୍ଗ୍ ସାଇନ୍ସ, ଫରେନ୍ସିକ୍ ସାଇନ୍ସ, ସାଇବର ଫରେନ୍ସିକ୍, କ୍ରିମିନୋଲୋଜି, କ୍ରିମିନାଲ ଜଷ୍ଟିସ୍, ରିସ୍କ ମ୍ୟାନେଜମେଣ୍ଟ ଭଳି ସମ୍ବନ୍ଧିତ ବିଷୟ ଉପରେ ପାଠ ପଢ଼ାଯିବ । ଛାତ୍ର-ଛାତ୍ରୀଙ୍କୁ ଉତ୍ସାହିତ କରିବା ପାଇଁ ବୃତ୍ତି ସୁବିଧା ମଧ୍ୟ ରଖାଯିବ ବୋଲି ଜଣା ପଡ଼ିଛି । ଗ୍ରେଟର ନୋଏଡାରେ ଥିବା ଆଇଟି ପାର୍କରେ ୧୦୦ଏକର ଜମିକୁ ରାଷ୍ଟ୍ରୀୟ ପୁଲିସ ବିଶ୍ୱବିଦ୍ୟାଳୟ ନିର୍ମାଣ ପାଇଁ ଚିହ୍ନଟ କରାଯାଇଛି । ଖୁବ୍ ଶୀଘ୍ର ଏହାର ନିର୍ମାଣ କାର୍ଯ୍ୟ ଆରମ୍ଭ ହେବ ।