ନୂଆଦିଲ୍ଲୀ: ୪ମାସ ପରେ କମିଲା କରୋନା ସଂକ୍ରମଣ | ଏ ୪ମାସ ମଧ୍ୟରେ କରୋନାର ଦ୍ଵିତୀୟ ଲହର ଭାରତକୁ କଲବଲ କରିଥିବା ବେଳେ ଆଜି ଟିକେ ଆଶ୍ୱସ୍ତ କଲା ଭଳି ଖବର ଆସିଛି | ୪ମାସ ପରେ ୩୦,୦୦୦ରେ ପହଞ୍ଚିଛି ଦୈନିକ ସଂକ୍ରମିତଙ୍କ ସଂଖ୍ୟା | ସବୁଠାରୁ ବଡ଼ କଥା ହେଲା ମୃତ୍ୟୁ ସଂଖ୍ୟା ୪୦୦ତଳକୁ ରହିଛି |
Sambad is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟା ମଧ୍ୟରେ ଦେଶରେ ୩୦,୦୯୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହା ସହ କରୋନାରେ ଦେଶରେ ୩୭୪ ଜଣଙ୍କର ମୃତ୍ୟୁ ଘଟିଛି। ଆଜି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏ ନେଇ ସୂଚନା ଦିଆଯାଇଛି। ନୂତନ ସଂକ୍ରମଣକୁ ମିଶାଇ ଦେଶରେ ସମୁଦାୟ କରୋନା ଆକ୍ରାନ୍ତଙ୍କ ସଂଖ୍ୟା ୩,୧୧,୭୪,୩୨୨ରେ ପହଞ୍ଚି ଥିବା ବେଳେ ସମୁଦାୟ ମୃତ୍ୟୁ ସଂଖ୍ୟା ୪,୧୪,୪୮୨ରେ ପହଞ୍ଚିଛି। ଗତ ୨୪ଘଣ୍ଟାରେ ଦେଶରେ ୪୫, ୨୫୪ଜଣ ସୁସ୍ଥ ହୋଇ ଘରକୁ ଫେରିଛନ୍ତି |
ନୂତନ ସୁସ୍ଥ ସଂଖ୍ୟାକୁ ମିଶାଇ ଦେଶରେ ଏବେ ମୋଟ ୩,୦୩, ୫୩,୭୧୦ଜଣ ସୁସ୍ଥ ହୋଇସାରିଛନ୍ତି | ଏହା ସହ ୪,୦୬,୧୩୦ଟି ସକ୍ରିୟ ମାମଲା ରହିଛି | ସରକାରୀ ତଥ୍ୟ ଅନୁଯାୟୀ, ଚଳିତ ବର୍ଷ ଜାନୁଆରିରୁ ଆରମ୍ଭ ହୋଇଥିବା ଦେଶବ୍ୟାପୀ ଟିକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ ୪୧.୧୮ କୋଟି ଟିକା ଦିଆଯାଇସାରିଛି। କେବଳ ଗତ ୨୪ ଘଣ୍ଟା ମଧ୍ୟରେ ୫୨,୬୭,୩୦୯ଙ୍କୁ ଟିକା ଦିଆଯାଇଛି |