ଆରଜେଡି ବିଧାୟକ ତେଜସ୍ୱୀଙ୍କ ସହ ଲାଲୁଙ୍କ ଝିଅ ମିସାଙ୍କ ନାମରେ ମାମଲା ରୁଜୁ କରିବାକୁ ନିର୍ଦ୍ଦେଶ ଦେଲେ କୋର୍ଟ
ପାଟନା: ରାଷ୍ଟ୍ରୀୟ ଜନତା ଦଳ (ଆରଜେଡି) ବିଧାୟକ ତେଜସ୍ୱୀ ଯାଦବଙ୍କ ସମେତ ୬ ଜଣଙ୍କ ବିରୋଧରେ ଦାଖଲ ହୋଇଥିବା ଅଭିଯୋଗକୁ ନେଇ ପାଟନା ସିଭିଲ କୋର୍ଟ ଏଫଆଇଆର ପଞ୍ଜିକରଣ ପାଇଁ କୋଟୱାଲି ପୁଲିସ ଷ୍ଟେସନକୁ ନିର୍ଦ୍ଦେଶ ଦେଇଛନ୍ତି | ଲୋକସଭା ନିର୍ବାଚନରେ ଟିକେଟ ଦେବା ନାମରେ ପାଞ୍ଚ କୋଟି ଟଙ୍କା ଠକେଇ ମାମଲାକୁ ନେଇ କୋଟୱାଲି ପୁଲିସ ଷ୍ଟେସନକୁ ଏଫଆଇଆର ପଞ୍ଜିକରଣ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ପୁଅ ତେଜସ୍ୱୀ ଯାଦବଙ୍କ ସହ ରାଜ୍ୟସଭା ସାଂସଦ ତଥା ଝିଅ ମିସା ଭାରତୀଙ୍କ ବିରୋଧରେ ମଧ୍ୟ ଅଭିଯୋଗ ହୋଇଛି। ତେଜସ୍ୱୀଙ୍କ ନାମରେ ମୃତ୍ୟୁ ଧମକ ଦେଇଥିବା ଅଭିଯୋଗ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ଯେ କଂଗ୍ରେସ ନେତା ତଥା ଓକିଲ ସଞ୍ଜୀବ କୁମାର ସିଂ ଅଗଷ୍ଟ ୧୮ରେ ପାଟନା ସିଜେଏମ୍ କୋର୍ଟରେ ଅଭିଯୋଗ ପତ୍ର ଦାଖଲ କରିଥିଲେ। ଅଭିଯୋଗ ପତ୍ରରେ ବିହାର ବିଧାନସଭାରେ ବିରୋଧୀ ଦଳର ନେତା ତେଜସ୍ୱୀ ଯାଦବ, ବିହାର କଂଗ୍ରେସ ସଭାପତି ମଦନ ମୋହନ ଝା, ସଦାନନ୍ଦ ସିଂ, ରାଜେଶ ରାଠୋରଙ୍କ ବ୍ୟତୀତ ରାଜ୍ୟସଭା ସଦସ୍ୟ ମିସା ଭାରତୀଙ୍କ ନାମରେ ଅଭିଯୋଗ କରିଥିଲେ |
ଦାଖଲ ହୋଇଥିବା ଅଭିଯୋଗରେ କଂଗ୍ରେସ ନେତା ତଥା ଓକିଲ ସଞ୍ଜୀବ କୁମାର ସିଂ କହିଛନ୍ତି ଯେ ଲୋକସଭା ନିର୍ବାଚନରେ ରାଷ୍ଟ୍ରୀୟ ଜନତା ଦଳ (ଆରଜେଡି) ଟିକେଟ୍ ଦେବା ନାମରେ ତାଙ୍କଠାରୁ ୫ କୋଟି ଟଙ୍କା ନେଇଥିଲେ ବି ଟିକେଟ୍ ଦିଆଯାଇନଥିଲା । ପରେ ବିଧାନସଭା ନିର୍ବାଚନରେ ମଧ୍ୟ ଟିକେଟ୍ ଦେବାକୁ କୁହାଯାଇଥିଲେ ବି ଟିକେଟ୍ ଦିଆଯାଇ ନଥିଲା। ଯେତେବେଳେ ଟିକେଟ୍ ନ ପାଇ ତେଜସ୍ୱୀ ଯାଦବଙ୍କ ସହ ଯୋଗାଯୋଗ କରିଥିଲେ ସେତେବେଳେ ସେ ଅଭିଯୋଗକାରୀଙ୍କୁ ହତ୍ୟା କରିବାକୁ ଧମକ ଦେଇଥିଲେ।