ଚଳିତମାସ ଶେଷ ସୁଦ୍ଧା କୋଭାକ୍ସିନକୁ ମିଳିପାରେ ଅର୍ନ୍ତରାଷ୍ଟ୍ରୀୟ ମଞ୍ଜୁରୀ
ହାଇଦ୍ରାବାଦ: ହାଇଦ୍ରାବାଦସ୍ଥିତ ଭାରତ ବାୟୋଟେକ ଦ୍ୱାରା ପ୍ରସ୍ତୁତ ହୋଇଥିବା କରୋନା ନିରୋଧୀ ଟିକା କୋଭାକ୍ସିନକୁ ଚଳିତମାସ ଶେଷ ସୁଦ୍ଧା ଅର୍ନ୍ତରାଷ୍ଟ୍ରୀୟ ମଞ୍ଜୁରୀ ମିଳିପାରେ । ସୂତ୍ରରୁ ମିଳିଥିବା ସୂଚନା ମୁତାବକ, ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ ପ୍ରତିନିଧୀ ମଣ୍ଡଳୀ ଆଜି ସ୍ୱାସ୍ଥ୍ୟମନ୍ତ୍ରୀଙ୍କୁ ଭେଟିବେ । ଅନ୍ୟପଟେ ବିଶ୍ୱ ସ୍ୱାସ୍ଥ୍ୟ ସଂଗଠନର ଜରୁରୀକାଳୀନ ବ୍ୟବହାର ତାଲିକାରେ ସ୍ଥାନ ପାଇବାକୁ ଭାରତ ବାୟୋଟେକ ବହୁପୂର୍ବରୁ ଆବେଦନ କରିଛି । ଭାରତ ବାୟୋଟେକ ଏହି ଟିକାକୁ ଇଣ୍ଡିଆନ କାଉନ୍ସିଲ୍ ଅଫ୍ ମେଡିକାଲ ରସର୍ଚ୍ଚ ଓ ନ୍ୟାସନାଲ ଇନଷ୍ଟିଚ୍ୟୁଟ ଅଫ୍ ଭାଇରୋଲୋଜି ସହ ମିଳିତ ଭାବେ କୋଭାକ୍ସିନ ଟିକା ପ୍ରସ୍ତୁତ କରିଛି ।
Sambad is now on WhatsApp
Join and get latest news updates delivered to you via WhatsApp
ଜୁଲାଇ ମାସରେ ଭାରତ ବାୟୋଟେକ୍ ପକ୍ଷରୁ କୁହାଯାଇଥିଲା କି ବିଶ୍ୱ ସ୍ୱାସ୍ଥ୍ୟ ସଂଗଠନର ଜରୁରୀକାଳୀନ ବ୍ୟବହାର ପାଇଁ ଅନୁମତି ପାଇବାକୁ କମ୍ପାନି ପକ୍ଷରୁ ସମସ୍ତ କାଗଜପତ୍ର ଜମା କରାଯାଇଛି । ଏହାସହ କମ୍ପାନି ପକ୍ଷରୁ ସୂଚନା ଦିଆଯାଇଥିଲା କି ଟିକାର ସମୀକ୍ଷା ପ୍ରକ୍ରିୟା ଆରମ୍ଭ ହୋଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନଠାରୁ ମଞ୍ଜୁରୀ ପାଇବା ପରେ କମ୍ପାନି କରୋନାରେ ସଂକ୍ରମିତ ଲୋକଙ୍କୁ ଏହି ଟିକା ଉପଲବ୍ଧ କରାଇପାରିବ ।
ସେପଟେ ଆଇସିଏମଆର ଓ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି ତା’ର ଅଧ୍ୟୟନ ପରେ ସ୍ପଷ୍ଟ କରିଛି ଯେ କୋଭାକ୍ସିନ କରୋନାର ଡେଲଟା ପ୍ଲସ ଭାରିଆଣ୍ଟ୍ କ୍ଷେତ୍ରରେ ବି ପ୍ରଭାବଶାଳୀ ବୋଲି ପ୍ରମାଣିତ ହୋଇଛି।