କର୍ଣ୍ଣାଟକରେ ନୂଆ ୪୦ କରୋନା ଆକ୍ରାନ୍ତ ଚିହ୍ନଟ‌; ଦେଶରେ ୧୦୦୦ ପାର୍‌

ନୂଆଦିଲ୍ଳୀ: କିଛି ବର୍ଷର ବ୍ୟବଧାନ ପରେ ପୁଣି ମୁଣ୍ଡ ଟେକିବା ଆରମ୍ଭ କରିଛି କୋଭିଡ-୧୯ । ମୁମ୍ବାଇ, ଦିଲ୍ଲୀ ଓ କେରଳରେ କୋଭିଡ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ଏହାରି ମଧ୍ୟରେ ଆଜି ଦେଶରେ କୋଭିଡ ଆକ୍ରାନ୍ତଙ୍କ ସଂଖ୍ୟା ୧୦୦୦ ପାର୍‌ କରିଛି ।

ବୁଧବାର କର୍ଣ୍ଣାଟକରେ ୪୦ ଟି ନୂଆ କୋଭିଡ୍‌-୧୯ ମାମଲା ରିପୋର୍ଟ ହୋଇଛି। ଯାହାଫଳରେ ରାଜ୍ୟର ସକ୍ରିୟ ମାମଲା ସଂଖ୍ୟା ୧୨୬ କୁ ବୃଦ୍ଧି ପାଇଛି। ସ୍ୱାସ୍ଥ୍ୟ ବିଭାଗ ଅନୁଯାୟୀ, ୩୪୪ ଟି ଆର୍‌ଟି-ପିସିଆର୍‌ ଏବଂ ୫୧ ଟି ଆର୍‌ଏଟି ପରୀକ୍ଷା ସମେତ ୩୯୫ ଟି ପରୀକ୍ଷାରୁ ଦୈନିକ ପଜିଟିଭିଟି ହାର ୧୦.୧୨ ପ୍ରତିଶତ ରହିଛି। ତେବେ କୋଭିଡକୁ ନେଇ ଏଯାଏ କୌଣସି ଆଡଭାଇଜରି ଜାରି କରିନାହନ୍ତି କେନ୍ଦ୍ର ସରକାର। ସେହିଭଳି ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧ ହଜାରରୁ ଊର୍ଧ୍ବ ରହିଛି।