ଦ୍ବିତୀୟ ପର୍ଯ୍ୟାୟ ଲକ୍ଡାଉନ୍: ମେ ୧୫ ପର୍ଯ୍ୟନ୍ତ ବଢ଼ିଲା ସ୍ବାସ୍ଥ୍ୟ ଏବଂ ମୋଟର୍ ବୀମା ପଲିସି ନବୀକରଣ ତାରିଖ
ନୂଆଦିଲ୍ଲୀ: ପଲିସିଧାରୀମାନେ ମେ ୧୫ ତାରିଖଯାଏଁ ସେମାନଙ୍କର ସ୍ବାସ୍ଥ୍ୟ ଏବଂ ମୋଟର ବୀମା ପଲିସି ନବୀକରଣ କରିପାରିବେ ବୋଲି ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗୁରୁବାର ସକାଳେ ସୀତାରମଣ ଟୁଇଟ୍ କରି ଲେଖିଛନ୍ତି ଯେ କୋଭିଡ୍-୧୯ ଲକ୍ଡାଉନ୍ ସମୟସୀମା ମଧ୍ୟରେ ଯେଉଁମାନଙ୍କର ସ୍ବାସ୍ଥ୍ୟ ଓ ମୋଟର୍ (ଥାର୍ଡ ପାର୍ଟି) ବୀମା ପଲିସ ନବୀକରଣ ତାରିଖ ପଡୁଛି ସେମାନଙ୍କ କଷ୍ଟ ଲାଘବ କରିବା ଏହି ପଦକ୍ଷେପର ଉଦ୍ଦେଶ୍ୟ।
With a view to mitigate hardship to policyholders whose health & motor (third party) insurance policies are due for renewal during COVID-19 lockdown, Govt. has issued notification allowing policyholders to make payments on or before 15.05.2020 towards renewal of their policies. pic.twitter.com/KauhDvovhf
— NSitharamanOffice (@nsitharamanoffc) April 16, 2020
ପଲିସି ନବୀକରଣ ନିମନ୍ତେ ସମ୍ପୃକ୍ତ ପଲିସିଧାରୀମାନେ ୧୫. ୫. ୨୦୨୦ ଦିନ କିଂବା ତା’ ପୂର୍ବରୁ ଦେୟ ପୈଠ କରିପାରିବେ ବୋଲି ସରକାର ବିଜ୍ଞପ୍ତି ଜାରି କରିଛନ୍ତି।
ମାର୍ଚ ୨୫ ରୁ ମେ ୩ ମଧ୍ୟରେ ଦେୟ ପୈଠ କରିବାକୁ ଥିବା ବୀମା ପଲିସିଗୁଡ଼ିକ ପାଇଁ ଏହି ସମୟସୀମା ପରିବର୍ଦ୍ଧନ କରାଯାଇଛି। ସୀତାରମଣ କହିଛନ୍ତି ଯେ ନିରନ୍ତର ଏବଂ ନିର୍ବିଘ୍ନରେ ଦେୟ ପୈଠ କରିବା ନିମନ୍ତେ ଉପରୋକ୍ତ ଗ୍ରେସ୍ ପିରିୟଡ୍ର ବ୍ୟବସ୍ଥା କରାଯାଇଛି।