କୋଭିଡ୍-୧୯: ପାଞ୍ଚଟି ରାଜ୍ୟରେ ସର୍ବାଧିକ ମାମଲା
ନୂଆଦିଲ୍ଲୀ : ଭାରତରେ ଗତ ୨୪ ଘଣ୍ଟାରେ ୨,୧୫୧ ଜଣ ନୂଆ କୋଭିଡ୍-୧୯ ସଂକ୍ରମିତ ଚିହ୍ନଟ ହୋଇଛନ୍ତି, ଯାହା ଗତ ୫ ମାସ ଭିତରେ ସର୍ବାଧିକ। ଏହାଫଳରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୧୧,୯୦୩କୁ ବୃଦ୍ଧି ପାଇଛି ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ବୁଧବାର ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟାରେ ୭ ଜଣ କୋଭିଡ୍ ରୋଗୀ ମୃତ୍ୟୁବରଣ କରିବା ପରେ କୋଭିଡ୍-ଜନିତ ମୃତ୍ୟୁ ସଂଖ୍ୟା ୫,୩୦,୮୪୮ରେ ପହଞ୍ଚିଛି। ଉକ୍ତ ୭ ଜଣଙ୍କ ମଧ୍ୟରୁ ମହାରାଷ୍ଟ୍ରର ୩ ଜଣ, କର୍ଣ୍ଣାଟକର ଜଣେ ଏବଂ ବାକି ୩ ଜଣ କେରଳର। ଦେଶର ମୋଟ ସଦ୍ୟ ସଂକ୍ରମଣ ମାମଲାକୁ ୫ ରାଜ୍ୟର ଅବଦାନ ସର୍ବାଧିକ ରହିଛି। ସେଗୁଡ଼ିକ ହେଉଛି ମହାରାଷ୍ଟ୍ର, ଦିଲ୍ଲୀ, କେରଳ, କର୍ଣ୍ଣାଟକ ଓ ତାମିଲନାଡ଼ୁ।
ମହାରାଷ୍ଟରେ ଗତ ୨୪ ଘଣ୍ଟାରେ ୪୫୦ ଜଣ ନୂଆ ସଂକ୍ରମିତ ହୋଇଛନ୍ତି ଓ ୩ ଜଣଙ୍କ ମୃତ୍ୟୁ ଘଟିଛି। ଦିଲ୍ଲୀରେ ମଙ୍ଗଳବାର ୨୧୪ ଜଣ ନୂଆ ସଂକ୍ରମିତ ହୋଇଛନ୍ତି ଓ ଜଣଙ୍କର ମୃତ୍ୟୁ ଘଟିଛି। କେରଳରେ ୧୯୧ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି ଓ ସକ୍ରିୟ ରୋଗୀ ସଂଖ୍ୟା ୨,୬୬୨ ରହିଛି ଯାହା ଭାରତରେ ସର୍ବାଧିକ। କର୍ଣ୍ଣାଟକରେ ଗତ ୨୪ ଘଣ୍ଟାରେ ୧୩୫ ଜଣ ନୂଆ ସଂକ୍ରମିତ ହୋଇଥିବା ବେଳେ ତାମିଲନାଡ଼ୁରେ ୧୦୫ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି।