୧୨ ରୁ ୧୮ ବର୍ଷ ବୟସର ପିଲାମାନଙ୍କ ପାଇଁ ଜୁଲାଇରେ ନୋଭାଭାକ୍ସର କ୍ଲିନିକାଲ ପରୀକ୍ଷା ଆରମ୍ଭ କରିବ ସେରମ ଇନଷ୍ଟିଚ୍ୟୁଟ୍
ନୂଆଦିଲ୍ଲୀ: ଖୁବ ଶୀଘ୍ର ନୋଭାଭାକ୍ସ ଟିକାର କ୍ଲିନିକାଲ୍ ପରୀକ୍ଷା ଆରମ୍ଭ କରିବ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏସଆଇଆଇ) | ଚଳିତ ବର୍ଷ ଜୁଲାଇରେ ୧୨ ରୁ ୧୮ ବର୍ଷ ବୟସର ପିଲାମାନଙ୍କ ପାଇଁ ନୋଭାଭାକ୍ସ ଟିକାର କ୍ଲିନିକାଲ୍ ପରୀକ୍ଷା ଆରମ୍ଭ ହେବ ବୋଲି ଏସଆଇଆଇ ପକ୍ଷରୁ କୁହାଯାଇଛି | ପିଲାମାନଙ୍କୁ ଦିଆଯିବା ପାଇଁ ନୋଭାଭାକ୍ସ ଚତୁର୍ଥ କରୋନା ଟିକା ହେବ, ଯାହାର କ୍ଲିନିକାଲ୍ ପରୀକ୍ଷା ହେବ |
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ହାଇଦ୍ରାବାଦ ଭିତ୍ତିକ ଭାରତ ବାୟୋଟେକ୍ ୧୨ ରୁ ୧୮ ବର୍ଷ ବୟସର ପିଲାମାନଙ୍କ ପାଇଁ କୋଭାକ୍ସିନର କ୍ଲିନିକାଲ୍ ପରୀକ୍ଷା ଆରମ୍ଭ କରିସାରିଛି | ନୂଆଦିଲ୍ଲୀ ଏବଂ ପାଟନାରେ ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏମ୍ସ) ରେ ଚାଲିଥିବା ଏହି ପରୀକ୍ଷାଗୁଡ଼ିକରେ ମୋଟ ୫୨୫ ପିଲା ଅଂଶ ଗ୍ରହଣ କରିଛନ୍ତି। ପରେ ପରେ ୬-୧୨ ବୟସ ବର୍ଗର ପିଲାମାନଙ୍କ ପାଇଁ ଏବଂ ୨-୬ବର୍ଷ ବୟସ୍କଙ୍କ ପାଇଁ କୋଭାକ୍ସିନର କ୍ଲିନିକାଲ୍ ପରୀକ୍ଷା ଆରମ୍ଭ ହେବ ବୋଲି ଜଣାପଡିଛି | ଏହା ସହ ଟିକା ନିର୍ମାତା ଭାରତ ବାୟୋଟେକ୍ ଏହାର ନାସାଲ୍ କୋଭିଡ୍ -୧୯ ଟିକା ପାଇଁ କ୍ଲିନିକାଲ୍ ପରୀକ୍ଷା କରୁଛି।
ଜାଇଡସ୍ କ୍ୟାଡିଲା ମଧ୍ୟ ୧୨-୧୮ ବର୍ଷ ବୟସର ପିଲାମାନଙ୍କ ପାଇଁ କୋଭିଡ୍ -୧୯ ଟିକା, ଜାଇକୋଭ-ଡ଼ିର କ୍ଲିନିକାଲ ପରୀକ୍ଷା ଆରମ୍ଭ କରିଛି। ଫାର୍ମା କମ୍ପାନି ବର୍ତ୍ତମାନ ୫-୧୨ ବର୍ଷ ବୟସର ପିଲାମାନଙ୍କଠାରେ ଟିକା ପାଇଁ କ୍ଲିନିକାଲ୍ ପରୀକ୍ଷା କରିବାକୁ ଯୋଜନା କରିଛି।