ବର୍ଷା ଓ ଶୀତଋତୁରେ ତାପମାତ୍ରା ହ୍ରାସ ପାଇବା କାରଣରୁ କୋଭିଡ୍-୧୯ ସଂକ୍ରମଣ ଦ୍ରୁତଗତିରେ ବଢ଼ିପାରେ: ଆଇଆଇଟି-ଏମ୍‌ସ୍‌ ଅଧ୍ୟୟନ

ନୂଆଦିଲ୍ଲୀ: ଭୁବନେଶ୍ବରସ୍ଥିତ ଇଣ୍ଡିଆନ୍ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲଜି (ଆଇଆଇଟି) ଏବଂ ଅଲ୍‌ ଇଣ୍ଡିଆ ଇନ୍‌ଷ୍ଟିଚ୍ୟୁଟ୍‌ ଅଫ୍ ମେଡିକାଲ୍ ସାଇନ୍‌ସେସ୍ର (ଏମ୍‌ସ୍‌) ଗବେଷକମାନେ କରିଥିବା ଏକ ମିଳିତ ଅଧ୍ୟୟନରେ ଅନୁସାରେ, ତାପମାତ୍ରା ହ୍ରାସ ପାଇବା କାରଣରୁ ବର୍ଷାଋତୁର ଶିଖର ଏବଂ ଶୀତଋତୁରେ କରୋନାଭାଇରସ୍ ସଂକ୍ରମଣ ଦ୍ରୁତ ବେଗରେ ବୃଦ୍ଧି ପାଇପାରେ।

ଆଇଆଇଟି-ଭୁବନେଶ୍ବର ‘ସ୍କୁଲ୍‌ ଅଫ୍ ଆର୍ଥ, ଓସେନ୍ ଆଣ୍ଡ କ୍ଲାଇମେଟିକ୍ ସାଇନ୍‌ସ୍’ର ବିନୋଜ ଭି, ଗୋପୀନାଥ ଏନ୍ ଏବଂ ଲନ୍ଦୁ କେ. ଏବଂ ଏମ୍‌ସ୍-ଭୁବନେଶ୍ବରର ଡିପାର୍ଟମେଣ୍ଟ୍‌ ଅଫ୍ ମାଇକ୍ରୋବାୟୋଲଜି ବିଭାଗର ବିଜୟିନୀ ବି. ଏବଂ ବୈଜୟନ୍ତୀମାଳା ଏମ୍. ଏହି ଅଧ୍ୟୟନର ପରିଚାଳନା କରୁଥିଲେ।

Image Courtesy of India Today

ବୃଷ୍ଟିପାତ, ତାପମାତ୍ରା ହ୍ରାସ ଏବଂ ବାୟୁମଣ୍ଡଳର ଶୀତଳତା କ୍ରମଶଃ ଶୀତଋତୁ ଆଡ଼କୁ ଗତିକଲେ ଦେଶରେ କୋଭିଡ୍-୧୯ ସଂକ୍ରମଣକୁ ସୁହାଇବ। ଏହି ରିପୋର୍ଟ ଏପ୍ରିଲ୍ ଓ ଜୁନ୍‌ ମାସ ମଧ୍ୟରେ ୨୮ଟି ରାଜ୍ୟରେ କରୋନାଭାଇରସ୍ ସଂକ୍ରମଣ ପଦ୍ଧତି ଏବଂ ସଂକ୍ରମଣ ସଂଖ୍ୟା ହିସାବକୁ ନେଇଛି। ଅନ୍ୟତମ ଗବେଷକ ବିନୋଜ କହିଛନ୍ତି, ତାପମାତ୍ରା ବୃଦ୍ଧି ଯୋଗୁଁ କରୋନାଭାଇରସ୍ ସଂକ୍ରମଣ ହ୍ରାସ ପାଇଛି।

ଅଧ୍ୟୟନରେ ଅନୁସାରେ, ତାପମାତ୍ରା ୧ ଡିଗ୍ରି ବୃଦ୍ଧି ପାଇଲେ ସଂକ୍ରମଣ ମାମଲା ୦. ୯୯% ହ୍ରାସ ପାଏ ଏବଂ ଭୂତାଣୁ ସଂକ୍ରମଣ କ୍ରିୟା ମନ୍ଥର କରି ଦ୍ବିଗୁଣ ହେବା ସମୟ ସୀମା ୧. ୧୩ କମାଇ ଦିଏ।

କିନ୍ତୁ, ଗବେଷକମାନେ କହିଛନ୍ତି, ଯେହେତୁ ଏହି ଅଧ୍ୟୟନ ବର୍ଷାଋତୁ ଏବଂ ଶୀତଋତୁ ଆରମ୍ଭ ସମୟରେ ଏହି ଅଧ୍ୟୟନ କରାଯାଇ ନାହିଁ, ତାପମାତ୍ରା ପ୍ରଭାବର ସଠିକ ପ୍ରଭାବ ସ୍ପଷ୍ଟ କରିବାକୁ ଅଧିକ ଗବେଷଣା ଆବଶ୍ୟକ।

ସମ୍ବନ୍ଧିତ ଖବର

Comments are closed.