କୋଭିଡ୍ ତୃତୀୟ ଲହରରେ ୪୪% ମୃତକଙ୍କର ଶ୍ୱାସ ସମସ୍ୟା ଥିଲା
ମୁମ୍ବାଇ : କୋଭିଡ୍-୧୯ ଭୂତାଣୁର ଓମିକ୍ରନ୍ ଭାରିଆଣ୍ଟ ଫୁସ୍ଫୁସ୍କୁ ଆକ୍ରାନ୍ତ କରୁ ନ ଥିଲେ ବି ମହାରାଷ୍ଟ୍ରରେ ତୃତୀୟ ଲହରରେ କୋଭିଡ୍-ଜନିତ ମୃତ୍ୟୁବରଣ କରିଥିବା ଲୋକଙ୍କ ଭିତରୁ ୪୪ ପ୍ରତିଶତଙ୍କଠାରେ ଗୁରୁତର ଶ୍ୱାସଜନିତ ସମସ୍ୟା ଥିଲା ବୋଲି ଏକ ରିପୋର୍ଟରୁ ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସରକାରଙ୍କ ଦ୍ବାରା କରାଯାଇଥିବା ଏକ ବିଶ୍ଳେଷଣରୁ ଜଣାପଡ଼ିଛି ଯେ, ଜାନୁଆରିରେ ୧,୦୫୨ ଜଣ କୋଭିଡ୍-ମୃତକଙ୍କ ମଧ୍ୟରୁ ୪୫୯ ଜଣଙ୍କଠାରେ ଶ୍ବାସଜନିତ ସମସ୍ୟା ଥିଲା। ତେଣୁ ଏହି ରୋଗୀମାନେ ଡେଲ୍ଟା ପ୍ରଜାତି ଦ୍ବାରା ସଂକ୍ରମିତ ହୋଇଥାଇପାରନ୍ତି ବୋଲି ରାଜ୍ୟ ସରକାରଙ୍କ କୋଭିଡ୍ ମୃତ୍ୟୁ ଅଡିଟ୍ କମିଟିର ସଦସ୍ୟ ଡ. ଅବିନାଶ ସୁପେ କହିଛନ୍ତି।