ରାଞ୍ଚି: ବିଧାନସଭା ନିର୍ବାଚନ ପୂର୍ବରୁ ଝାଡ଼ଖଣ୍ଡ ରାଜନୀତିରେ ବଡ଼ ଧରଣର ପରିବର୍ତ୍ତନ ହେବ ବୋଲି ଚର୍ଚ୍ଚା ହେଉଛି। ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଘନିଷ୍ଠ ଚମ୍ପାଇ ସୋରେନଙ୍କ ସମେତ ଜେଏମଏମର ୬ ଜଣ ବିଧାୟକ ବିଜେପି ସହ ଯୋଗାଯୋଗରେ ଥିବା କୁହାଯାଉଛି। ଲୋବିନ ହେମ୍ବ୍ରମ ଓ ସମୀର ମହାନ୍ତି ମଧ୍ୟ ବିଜେପି ସହ ଯୋଗାଯୋଗରେ ଥିବା କୁହାଯାଉଛି। ଚମ୍ପାଇ ସୋରେନଙ୍କ ବ୍ୟତୀତ ଜେଏମଏମର ଆହୁରି ଅନେକ ବିଧାୟକଙ୍କ ଅସନ୍ତୋଷ ମଧ୍ୟ ରହିଥିବା କୁହାଯାଉଛି ।

Advertisment

ମିଳିଥିବା ସୂଚନା ଅନୁଯାୟୀ, ଲୋବିନ୍ ହେମ୍ବ୍ରମ ଖୁବଶୀଘ୍ର ବିଜେପିରେ ଯୋଗ ଦେଇପାରନ୍ତି। ଲୋବିନ ବିଜେପିର ଚୂଡ଼ାନ୍ତ ନିଷ୍ପତ୍ତିକୁ ଅପେକ୍ଷା କରିଛନ୍ତି। ଲୋବିନ ହେମ୍ବ୍ରମ ଆସନ୍ତାକାଲି ରାଞ୍ଚିରେ ପହଞ୍ଚିବେ। ବିଜେପିରେ ଜେଏମଏମ ଓ କଂଗ୍ରେସ ବିଧାୟକଙ୍କୁ ସାମିଲ କରିବା ପାଇଁ କସରତ ଚାଲିଛି । ଲୋବିନ ହେମ୍ବ୍ରମ ଲୋକସଭାରେ ଜେଏମ୍ଏମ୍ ପ୍ରାର୍ଥୀଙ୍କ ବିପକ୍ଷରେ ନିର୍ବାଚନ ଲଢ଼ିଥିଲେ। ବାଚସ୍ପତି ହେମ୍ବ୍ରମଙ୍କ ବିଧାନସଭା ସଦସ୍ୟତା ରଦ୍ଦ କରିଥିଲେ। ବର୍ତ୍ତମାନର ବିଧାୟକ ସମୀର ମହାନ୍ତି ଜେଏମଏମରୁ ବିଜେପିରେ ଯୋଗ ଦେଇପାରନ୍ତି । ଆଗାମୀ ବିଧାନସଭା ନିର୍ବାଚନରେ ସମୀର ଟିକେଟ୍ ହରାଇବାର ସମ୍ଭାବନା ଥିବାରୁ ସେ ବିଜେପିରେ ଯୋଗ ଦେଇପାରନ୍ତି। ଏଠାରେ ସରାଇକେଲାରେ ଏକ କାର୍ଯ୍ୟକ୍ରମରେ ଚମ୍ପାଇ ସୋରେନ ବିଜେପିରେ ଯୋଗ ଦେବା ର କଳ୍ପନାଜଳ୍ପନାକୁ ଖଣ୍ଡନ କରିଛନ୍ତି।