ଯୋଶୀମଠ ପରେ ବାଗେଶ୍ବର: ଘର ଓ ସଡ଼କରେ ଫାଟ

ବାଗେଶ୍ବର : ଗତବର୍ଷ ଯୋଶୀମଠ ଘଟଣା ଆପଣଙ୍କୁ ମନେ ଥିବ। ଯେତେବେଳେ ଚମୋଲି ଜିଲ୍ଲାର ଏହି ଧାର୍ମିକ ସହରର ଘର ଏବଂ କ୍ଷେତରେ ହଠାତ ଫାଟ ଦେଖାଦେବା ଆରମ୍ଭ ହୋଇଥିଲା । ଏହାକୁ ନେଇ ଅନେକ ପରିବେଶବିତ୍ ଚିନ୍ତା ପ୍ରକଟ କରିଥିଲେ। ସରକାର ମଧ୍ୟ ପଦକ୍ଷେପ ନେଇଥିଲେ ଏବଂ ଭଙ୍ଗା ଘରଗୁଡ଼ିକରୁ ଲୋକଙ୍କୁ ସ୍ଥାନାନ୍ତର କରାଯାଇ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା। ଏବେ କୁମାଉଁ ଅଞ୍ଚଳର ବାଗେଶ୍ୱର ଜିଲ୍ଲାରେ ମଧ୍ୟ ସମାନ ଘଟଣା ଦେଖିବାକୁ ମିଳିଛି।

ବାଗେଶ୍ୱର ଜିଲ୍ଲାର କାଣ୍ଡା ଅଞ୍ଚଳର ସ୍ଥିତି ଗତବର୍ଷ ଯୋଶୀମଠ ଭଳି ହେବାରେ ଲାଗିଛି। ଏଠାରେ ଘରେ ଘନ ଫାଟ ସୃଷ୍ଟି ହେଉଛି। ଏତଦ୍ ବ୍ୟତୀତ କ୍ଷେତ ଓ ରାସ୍ତାରେ ମଧ୍ୟ ଫାଟ ଦେଖିବାକୁ ମିଳୁଛି। ସ୍ଥିତି ଦିନକୁ ଦିନ ଗମ୍ଭୀର ହେବାରେ ଲାଗିଛି ଏବଂ ଜାତୀୟ ଗ୍ରୀନ୍ ଟ୍ରିବ୍ୟୁନାଲ (ଏନ୍ ଜିଟି) ମଧ୍ୟ ଏହାକୁ ଗୁରୁତ୍ବ ଦେଇଛନ୍ତି।

ବାଗେଶ୍ୱର ଜିଲ୍ଲାର କାଣ୍ଡା ଅଞ୍ଚଳର ସ୍ଥିତି ଗତବର୍ଷ ଯୋଶୀମଠ ଭଳି ହେବାରେ ଲାଗିଛି। ଏଠାରେ ଘରେ ଘନ ଫାଟ ସୃଷ୍ଟି ହେଉଛି। ଏତଦ୍ ବ୍ୟତୀତ କ୍ଷେତ ଓ ରାସ୍ତାରେ ମଧ୍ୟ ଫାଟ ଦେଖିବାକୁ ମିଳୁଛି। ସ୍ଥିତି ଦିନକୁ ଦିନ ଗମ୍ଭୀର ହେବାରେ ଲାଗିଛି ଏବଂ ଜାତୀୟ ଗ୍ରୀନ୍ ଟ୍ରିବ୍ୟୁନାଲ (ଏନ୍ ଜିଟି) ମଧ୍ୟ ଏହାକୁ ଗୁରୁତ୍ବ ଦେଇଛନ୍ତି। ଏ ନେଇ ଏନ୍ ଜିଟି କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି)କୁ ଜବାବ ମାଗିଛନ୍ତି। ଏନଜିଟି ଅଧ୍ୟକ୍ଷ ଜଷ୍ଟିସ୍ ପ୍ରକାଶ ଶ୍ରୀବାସ୍ତବ ଓ ବିଶେଷଜ୍ଞ ସଦସ୍ୟ ଡ. ଅଫରୋଜ ଅହମ୍ମଦଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରିଛନ୍ତି।

ନିକଟରେ ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ଏହି ଅଞ୍ଚଳରେ ବ୍ୟାପକ ଖଣି ଖନନ ଚାଲିଛି। ଫଳରେ କଣ୍ଡା ଅଞ୍ଚଳରେ ଘର, କ୍ଷେତ ଓ ରାସ୍ତାରେ ଫାଟ ସୃଷ୍ଟି ହେଉଛି।