ଏଯାଏଁ ଦିଲ୍ଲୀରେ ଜବତ ହେଲାଣି ୭ କୁଇଣ୍ଟାଲ ବାଣ

ନୂଆଦିଲ୍ଲୀ: ପ୍ରତିବର୍ଷ ଦୀପାବଳିରେ ଦିଲ୍ଲୀର ପ୍ରଦୂଷଣ ସ୍ତର ଯଥେଷ୍ଟ ବୃଦ୍ଧି ପାଇଥାଏ | ଏହାକୁ ଦୃଷ୍ଟିରେ ରଖି ବାଣ ବ୍ୟବହାର ଉପରେ ପ୍ରତିବନ୍ଧକ ଲଗାଯାଇଛି | ଅନ୍ୟପଟେ କଡା ନିୟମ ସତ୍ତ୍ୱେ ବାଣର ବେଆଇନ ବିକ୍ରୟ ଚାଲିଛି। ଏସବୁକୁ ନଜରରେ ରଖି ଦିଲ୍ଲୀ ପୁଲିସ କ୍ରମାଗତ ଭାବେ ଚଢ଼ାଉ ଜାରି ରଖିଛି | ଗୋଟିଏ ସପ୍ତାହ ମଧ୍ୟରେ ପୁଲିସ ୭୫୧୮.୫ କିଲୋଗ୍ରାମ ବାଣ ଜବତ କରାଯାଇଥିବାବେଳେ ବାଣର ବେଆଇନ ବିକ୍ରୟ ବନ୍ଦ କରିବାକୁ ଦିଲ୍ଲୀ ପୁଲିସ କଡା ନଜର ରଖିବା ସହ ଜୋରଦାର ଚଢ଼ାଉ କରୁଛି |

ଗତ ଏକ ସପ୍ତାହରୁ ଆଜି ପର୍ଯ୍ୟନ୍ତ ଦିଲ୍ଲୀର ବିଭିନ୍ନ ଅଞ୍ଚଳରେ ଚଢ଼ାଉ କରି ହଜାର ହଜାର କିଲୋ ବାଣ ଜବତ କରାଯାଇଛି। ଦିଲ୍ଲୀ ପୁଲିସ କହିଛି ଯେ ବାଣ ଉପରେ ନିଷେଧାଦେଶ ଲାଗିବା ହେତୁ ଅଧିକାଂଶ ବାଣ ଚୋରାରେ ଉତ୍ତରପ୍ରଦେଶ ଏବଂ ହରିୟାଣାରୁ ଆସି ଦିଲ୍ଲୀରେ ପହଞ୍ଚୁଛି। ଉଲ୍ଲେଖ ଥାଉ କି ଦୀପାବଳି ସମୟରେ ପାଣିପାଗର ପରିବର୍ତ୍ତନ ଏବଂ ପଡୋଶୀ ରାଜ୍ୟର ଧୂଆଁ ଯୋଗୁଁ ଦିଲ୍ଲୀ-ଏନସିଆରରେ ପ୍ରଦୂଷଣ ସ୍ତର ବିପଜ୍ଜନକ ସ୍ତରରେ ପହଞ୍ଚିଯାଇଥାଏ । ଏଭଳି ପରିସ୍ଥିତିରେ ସରକାର ଗତ ବର୍ଷ ଘୋଷଣା କରିଥିଲେ ଯେ ଯଦି ସହରରେ ଦୀପାବଳିରେ କେହି ବାଣ ଫୁଟାଇବେ, ତେବେ ୬ ମାସ ପର୍ଯ୍ୟନ୍ତ ଜେଲ ଦଣ୍ଡ ଏବଂ ୨୦୦ ଟଙ୍କା ଜରିମାନା ଦେବାକୁ ହେବ।