ସୁରକ୍ଷାବାହିନୀରେ ତିକ୍ତତା ଖବରକୁ ଖଣ୍ଡନ କଲେ ସିଆରପିଏଫ ଓ କଶ୍ମୀର ପୁଲିସ

ଶ୍ରୀନଗର : ଜମ୍ମୁ ଓ କଶ୍ମୀରରୁ ଧାରା ୩୭୦ ପ୍ରତ୍ୟାହାରକୁ ନେଇ ଭାରତ ଓ ପାକିସ୍ତାନ ମଧ୍ୟରେ ତିକ୍ତତା ଚରମସୀମାରେ ପହଞ୍ଚିଛି । ବିଶ୍ୱ ସମୁଦାୟ ନିକଟରୁ କୌଣସି ସମର୍ଥନ ପାଇପାରିନଥିବା ପାକିସ୍ତାନ ଅସହାୟ ହୋଇ ଏବେ ଭାରତ ବିରୋଧରେ ମିଥ୍ୟା ପ୍ରଚାର ଆରମ୍ଭ କରିଛି । ଏପରିକି ଭାରତୀୟ ସୁରକ୍ଷାବଳ ମଧ୍ୟରେ ବିଭେଦ ସୃଷ୍ଟି କରିବାକୁ ପାକିସ୍ତାନ ପକ୍ଷରୁ ବିଭିନ୍ନ ମିଥ୍ୟାପ୍ରଚାର ବା ପ୍ରୋପାଗେଣ୍ଡା ଚଳାଯାଉଛି ।

The malicious content of this tweet is absolutely baseless and untrue. As always, all the security forces of India are working with coordination and bonhomie. Patriotism and our tricolour lie at the core of our hearts and existence, even when the color of our uniforms may differ. pic.twitter.com/1Rhrm09dPN

— ??CRPF?? (@crpfindia) August 12, 2019

ପାକିସ୍ତାନର କରାଚୀରୁ ଅପରେଟ ହେଉଥିବା ଏକ ଟ୍ଵିଟର ହାଣ୍ଡଲ ମାଧ୍ୟମରେ ଆଜି ଏକ ଟ୍ଵିଟ କରି କୁହାଯାଇଥିଲା ଯେ କଶ୍ମୀର ପୁଲିସର ଗୁଳିମାଡରେ ୫ ସିଆରପିଏଫ ଯବାନ ନିହତ ହୋଇଛନ୍ତି । ସିଆରପିଏଫ ପକ୍ଷରୁ ଜଣେ ଗର୍ଭବତୀ ମହିଳାଙ୍କୁ ଡାକ୍ତରଖାନା ନଛାଡିବାରୁ କଶ୍ମୀର ପୁଲିସର ଯବାନଜଣକ ଏହି କାଣ୍ଡ ଘଟାଇଛନ୍ତି ବୋଲି ଏହି ଟ୍ଵିଟରେ ଲେଖାଯାଇଛି ।

କିନ୍ତୁ ଉଭୟ ସିଆରପିଏଫ ଓ କଶ୍ମୀର ପୁଲିସ ପକ୍ଷରୁ ଦୃଢତାର ସହ ଏହି ଖବରକୁ ଖଣ୍ଡନ କରାଯାଇଛି । ସିଆରପିଏଫ ପକ୍ଷରୁ ଟ୍ଵିଟ କରି କୁହାଯାଇଛି ଯେ ଏହି ଖବର ଭିତ୍ତିହୀନ ଓ ମିଥ୍ୟା । ଭାତୀୟ ସୁରକ୍ଷା ବଳମାନେ ପରସ୍ପର ମଧ୍ୟରେ ଉତ୍ତମ ସମନ୍ଵୟ ରଖି କାର୍ଯ୍ୟ କରୁଛନ୍ତି । ସମସ୍ତଙ୍କ ୟୁନିଫର୍ମ ଅଲଗା ଅଲଗା ହେଲେ ମଧ୍ୟ ସମସ୍ତଙ୍କ ହୃଦୟରେ ତ୍ରିରଙ୍ଗା ରହିଛି ।