ଜମ୍ମୁକାଶ୍ମୀର ଯୁବକ ଯୁବତୀଙ୍କ ପ୍ରତିଭାକୁ ସାମ୍ନାକୁ ଆଣିବାକୁ ସିଆରପିଏଫର ପ୍ରୟାସ
ଶ୍ରୀନଗର:ଜମ୍ମୁକାଶ୍ମୀରରେ ପ୍ରାୟ ସମୟ ସୁରକ୍ଷାବଳ ଓ ଏଠାକାର ଯୁବକମାନେ ମୁହାଁମୁହିଁ ହେଉଛନ୍ତି | ପାକିସ୍ତାନ ଓ ଏଠାରେ ରହୁଥିବା କିଛି ବିଛିନ୍ନତାବାଦୀ ନେତାଙ୍କ ପ୍ରରୋଚନାରେ ଯୁବକମାନେ ସୁରକ୍ଷାବଳଙ୍କ ଉପରକୁ ପଥରମାଡ କରୁଛନ୍ତି | ଦେଶରେ ରହି ସୁରକ୍ଷାକର୍ମୀଙ୍କୁ ବିରୋଧ କରୁଥିବା ଘଟଣା ସୁରକ୍ଷାବଳ ଓ ସରକାରଙ୍କ ଚିନ୍ତାକୁ ବଢ଼ାଇଦେଇଛି |
Sambad is now on WhatsApp
Join and get latest news updates delivered to you via WhatsApp
ନିଜର ପ୍ରତିଭାକୁ ବିକଶିତ କରିବା ବଦଳରେ ଜମ୍ମୁର ଏହି ଯୁବପିଢ଼ି ଦେଶ ବିରୋଧରେ ସ୍ୱର ଉତ୍ତୋଳନ କରୁଥିବାରୁ ଏହାକୁ ବେଶ ଗୁରୁତ୍ୱର ସହ ବିଚାରକୁ ନେଇଛି ସୁରକ୍ଷାବଳ | ଏହାରି ଭିତରେ କେନ୍ଦ୍ରୀୟ ଅର୍ଦ୍ଧ ସାମରିକ ବଳ ବା ସିଆରପିଏଫ ପକ୍ଷରୁ ଏକ ଭିନ୍ନ ପ୍ରୟାସ କରାଯାଇଛି | ଜମ୍ମୁକାଶ୍ମୀରର ଯୁବକ ଯୁବତୀଙ୍କ ମଧ୍ୟରେ ଥିବା ଅନ୍ତର୍ନିହିତ ପ୍ରତିଭାକୁ ସାମ୍ନାକୁ ଆଣିବାକୁ ଏକ ପ୍ରତିଯୋଗିତାର ଆୟୋଜନ କରାଯାଇଛି |
ରବିବାର ଦିନ ରୟାଲ କାଶ୍ମୀର ସଂଗଠନର ସହଯୋଗରେ ‘କବିଶ’ ନାମକ କାର୍ଯ୍ୟକ୍ରମର ଆୟୋଜନ କରାଯାଇଥିଲା | ଏଥିରେ ନୃତ୍ୟ,ସଂଗୀତରେ ନିପୁଣ ଥିବା ପ୍ରତିଯୋଗୀଙ୍କୁ ଚୟନ କରାଯାଇଥିଲା | ବହୁ ସଂଖ୍ୟାରେ ଯୁବପିଢ଼ି ଏହି ପ୍ରତିଯୋଗିତାରେ ସାମିଲ ହୋଇଥିଲେ |