ନୂଆଦିଲ୍ଲୀ: ଜମ୍ମୁ-କଶ୍ମୀର ପୁଲୱାମାରେ ଆତଙ୍କବାଦୀ ଆକ୍ରମଣ ପରେ ଦେଶବାସୀଙ୍କ ମନରେ ଜଳୁଛି ପ୍ରତିଶୋଧର ବହ୍ନି । ସମସ୍ତଙ୍କ ମୁହଁରେ ଗୋଟିଏ କଥା, ଆକ୍ରମଣର ପ୍ରତିଶୋଧ ଦରକାର । ଘଟଣାରେ ସାଧାରଣ ଲୋକେ ଯେତିକି କ୍ରୋଧାନ୍ୱିତ, ସୁରକ୍ଷାକର୍ମୀମାନେ ମଧ୍ୟ ଆକ୍ରମଣର ପ୍ରତିଶୋଧ ନେବାପାଇଁ ସେପରି ତତ୍ପର । ସିଆରପିଏଫ୍ ଟ୍ୱିଟ୍ ଜରିଆରେ କହିଛି, ଏପରି ଜଘନ୍ୟ ଅପରାଧର ପ୍ରତିଶୋଧ ନିଶ୍ଚିତ ଭାବେ ନିଆଯିବ । ଏହି ଘଟଣାକୁ କେବେ ବି ଭୁଲିବୁ ନାହିଁ , ନା କ୍ଷମା କରପାରିବୁ । ପୁଲୱାମା ଆକ୍ରମଣରେ ସହିଦଙ୍କୁ ଓ ସହିଦ ପରିବାରଙ୍କୁ ସଲାମ୍ କରବା ସହ ସବୁବେଳେ ପାଖରେ ଛିଡ଼ାହେବୁ ବୋଲି କହିଛି ସିଆରପିଏଫ୍।
Sambad is now on WhatsApp
Join and get latest news updates delivered to you via WhatsApp
WE WILL NOT FORGET, WE WILL NOT FORGIVE:We salute our martyrs of Pulwama attack and stand with the families of our martyr brothers. This heinous attack will be avenged. pic.twitter.com/jRqKCcW7u8
— ??CRPF?? (@crpfindia) February 15, 2019
ସେପଟେ ପ୍ରଧାନମନ୍ତ୍ରୀ କହିଛନ୍ତି, ସେନାକୁ କାର୍ଯ୍ୟାନୁଷ୍ଠାନ ପାଇଁ ପୂର୍ଣ୍ଣ ସ୍ୱାଧୀନତା ଦିଆଯାଇଛି । ଆତଙ୍କାବଦୀମାନେ ବଡ ଭୁଲ କରିଛନ୍ତି । ଦେଶ ସମ୍ପୂର୍ଣ୍ଣ ଭାବେ ଏହି ପ୍ରସଙ୍ଗରେ ଏକଜୁଟ୍ ରହିଛି ଓ ଏହାର ଦୃଢ଼ ଜବାବ ଦିଆଯିବ । ପାକିସ୍ତାନ ଉପରେ ଜୋରଦାର ବର୍ଷିଛନ୍ତି .ସେ । କହିଛନ୍ତି ଆତଙ୍କବାଦୀଙ୍କୁ ନିଜ ମାଟିରେ ପ୍ରଶୟ ଦେଉଥିବା ପାକିସ୍ତାନ ଏହାର ପରିଣାମ ଭୋଗିବ । ଭାରତରେ ହିଂସା ସୃଷ୍ଟି କରିବାକୁ ଚେଷ୍ଟା କରୁଥିବା ପାକିସ୍ତାନ କେବେ ତାର ଲକ୍ଷ୍ୟରେ ହେବନି ସଫଳ । ବିକାଶ ପଥରେ ବଢ଼ିଚାଲିଛି ଭାରତ ଓ ଆଗକୁ ମଧ୍ୟ ବଢ଼ିଚାଲିବ ।