ସିଟିଇଟି -୨୦୧୯ ମାମଲାରେ କେନ୍ଦ୍ର ସରକାରଙ୍କୁ ନୋଟିସ ଜାରି କଲେ ସୁପ୍ରିମକୋର୍ଟ
ନୂଆଦିଲ୍ଲୀ: ସିଟିଇଟି ୨୦୧୯ ପରୀକ୍ଷାରେ ଆର୍ଥିକ ଆଧାର ଉପରେ ଥିବା ୧୦ ପ୍ରତିଶତ ସଂରକ୍ଷଣକୁ ନେଇ ଦାୟର ହୋଇଥିବା ଯାଚିକାର ବିଚାର କରି ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ନୋଟିସ ଦେଇଛନ୍ତି। କୋର୍ଟ ଏହି ଅଧିସୂଚନା ଉପରେ ରୋକ ଲଗାଇବାକୁ ମନା କରିଦେଇଛନ୍ତି । କୋର୍ଟ କହିଛନ୍ତି ଯେ ଏହା ଏକ ନୀତିଗତ ନିର୍ଣ୍ଣୟ । ଏହା ପୂର୍ବରୁ ସୁପ୍ରିମକୋର୍ଟ ସୋମବାର ଦିନ ସ୍ପଷ୍ଟ କରିଥିଲେ ଯେ ପ୍ରବେଶିକା ପରୀକ୍ଷାମାନଙ୍କରେ କୌଣସି ପ୍ରକାରର ସଂରକ୍ଷଣ ହୋଇପାରିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଜଷ୍ଟିସ ଇନ୍ଦିରା ବାନାର୍ଜୀ ଓ ସଂଜୀବ ଖାନ୍ନାଙ୍କ ଖଣ୍ଡପୀଠ କେନ୍ଦ୍ରୀୟ ଶିକ୍ଷକ ଯୋଗ୍ୟତା ପରୀକ୍ଷାରେ ୧୦ ପ୍ରତିଶତ ସଂରକ୍ଷଣ ଉପରେ ଦାୟର ହୋଇଥିବା ଯାଚିକା ପ୍ରସଙ୍ଗରେ ଏହି ସ୍ପଷ୍ଟୀକରଣ ଦେଇଥିଲେ । ଖଣ୍ଡପୀଠ କହିଥିଲେ ଯେ କୌଣସି ବର୍ଗ ପାଇଁ ପ୍ରବେଶିକା ପରୀକ୍ଷା ଦେବାକୁ ସଂରକ୍ଷଣ ଦିଆଯାଇପାରିବ, କିନ୍ତୁ ଉତ୍ତୀର୍ଣ୍ଣ କରିବା ପାଇଁ କୌଣସି ପାଇଁ ସଂରକ୍ଷଣ ଦିଆଯିବ ନାହିଁ । ଯାଚିକାକର୍ତ୍ତାଙ୍କ ପକ୍ଷରୁ ଦାୟର ହୋଇଥିବା ଯାଚିକା ମୁତାବକ ଜୁଲାଇ ୭ ତାରିଖରେ ଏହି ପରୀକ୍ଷା ହେବ । ଆର୍ଥିକ ଦୁର୍ବଳ ଶ୍ରେଣୀ ପାଇଁ ୧୦ ପ୍ରତିଶତ ସଂରକ୍ଷଣ ପାଇଁ ପିଟିସନ ଦାୟର କରାଯାଇଥିଲା। ୨୩ ଜାନୁୟାରୀ ୨୦୧୯ରେ ଏହି ପରୀକ୍ଷା ବାବଦରେ ସିବିଏସଇ ପକ୍ଷରୁ ଏକ ବିଜ୍ଞାପନ ପ୍ରକାଶ ପାଇଥିଲା। ଏଥିରେ କୌଣସି ସଂରକ୍ଷଣ ବାବଦରେ ଉଲ୍ଲେଖ ହୋଇନଥିଲା।