ଗୋରଖପୁରରୁ ଯୋଗୀ ଲଢ଼ିବା ବାଧ୍ୟବାଧକତା ନା ମାଷ୍ଟ୍ରରଷ୍ଟ୍ରୋକ! ଜାଣନ୍ତୁ କ’ଣ ଭାବନ୍ତି ସାଧାରଣ ଜନତା ?
ଲଖନଉ: ଉତ୍ତରପ୍ରଦେଶ ନିର୍ବାଚନରେ ଭାରତୀୟ ଜନତା ପାର୍ଟି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ତାଙ୍କ ଗଡ଼ ଗୋରଖପୁରରୁ ଟିକେଟ ଦେଇଛି । ଯୋଗୀ ଅଯୋଧ୍ୟା ଏବଂ ମଥୁରାରୁ ପ୍ରତିଦ୍ୱନ୍ଦ୍ୱିତା କରାଯିବ ବୋଲି କଳ୍ପନାଜଳ୍ପନାକୁ ଖଣ୍ଡନ କରି ବିଜେପି ତାଙ୍କୁ ଗୋରଖପୁର ସହରରୁ ଟିକେଟ ଦେଇଛି। ବିଜେପି କାହିଁକି ଏହି ନିଷ୍ପତ୍ତି ନେଇଛି ସେନେଇ ସମସ୍ତ ପ୍ରକାର ବିଶ୍ଳେଷଣ କରାଯାଉଛି। କେହି କେହି ଏହାକୁ ବିଜେପିର ରଣନୀତି କହୁଥିବାବେଳେ କେତେକ କହୁଛନ୍ତି ଯେ ଯୋଗୀ ନିଜ ପାଇଁ ଏକ ସୁରକ୍ଷିତ ଆସନ ବାଛିଛନ୍ତି ଯାହା ଦ୍ୱାରା ସେ ସମଗ୍ର ରାଜ୍ୟରେ ପ୍ରଚାର ଉପରେ ଧ୍ୟାନ ଦେଇ ପାରିବେ। ଏହି ସମୟରେ ସି ଭୋଟର ପକ୍ଷରୁ ଏକ ସର୍ଭେ କରାଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ସି ଭୋଟର ପକ୍ଷରୁ ଜନସାଧାରଣଙ୍କୁ ପ୍ରଶ୍ନ ପଚରାଯାଇଥିଲା ଯେ ଗୋରଖପୁରରୁ ଯୋଗୀ ନିର୍ବାଚନ ଲଢ଼ିବା ବିଜେପିର ମାଷ୍ଟରଷ୍ଟ୍ରୋକ୍ ନା ବାଧ୍ୟତାମୂଳକ ସ୍ଥିତି ? ଏହାର ଜବାବରେ ୫୫ ପ୍ରତିଶତ ଲୋକ କହିଛନ୍ତି ଯେ ଏହା ବିଜେପିର ଏକ ମାଷ୍ଟରଷ୍ଟ୍ରୋକ | ସେହିପରି ୩୨ ପ୍ରତିଶତ ଲୋକ ଏହା କହିଛନ୍ତି ଯେ ଏହା ହେଉଛି ବିଜେପିର ବାଧ୍ୟତାମୂଳକ ସ୍ଥିତି । ୧୩ ପ୍ରତିଶତ ଲୋକ ‘ଜାଣନ୍ତି ନାହିଁ’ ବୋଲି କହିଛନ୍ତି |
ଆଉ ଏକ ପ୍ରଶ୍ନ ପଚରାଯାଇଥିଲା ଯେ ଯଦି ଯୋଗୀ ଆଦିତ୍ୟନାଥ ଗୋରଖପୁରରୁ ଲଢ଼ିବେ, ତେବେଅଖିଳେଶ ଯାଦବଙ୍କ ଉପରେ ଚାପ ରହିବ କି? ଏହାର ଜବାବରେ ୪୮ ପ୍ରତିଶତ ଲୋକ ହଁ କହିଥିବାବେଳେ ୩୩ ପ୍ରତିଶତ ଲୋକ କହିଛନ୍ତି ଯେ ଅଖିଳେଶଙ୍କ ଉପରେ ଚାପ ପଡିବ ନାହିଁ |