କଂଗ୍ରେସ ୱାର୍କିଂ କମିଟି ବୈଠକରେ ଇସ୍ତଫା ପ୍ରସ୍ତାବ ଦେଲେ ସୋନିଆ ଗାନ୍ଧି; ବରିଷ୍ଠ ନେତାଙ୍କ ଚିଠିର ସମୟ ଉପରେ ପ୍ରଶ୍ନ ଉଠାଇଲେ ରାହୁଲ

ନୂଆଦିଲ୍ଲୀ: କଂଗ୍ରେସର ଅନ୍ତରୀଣ ସଭାପତି ପଦରୁ ଇସ୍ତଫା ଦେବା ପାଇଁ ଇଛାପ୍ରକାଶ କରିଛନ୍ତି ସୋନିଆ ଗାନ୍ଧି । ଆଜି ଦିଲ୍ଲୀରେ ଚାଲିଥିବା କଂଗ୍ରେସ ୱାର୍କିଂ କମିଟି(ସିଡବ୍ଲୁସି) ବୈଠକରେ ସୋନିଆ ଗାନ୍ଧି ଏହି ଇଚ୍ଛାପ୍ରକାଶ କରିଛନ୍ତି । ସେ କହିଛନ୍ତି ଯେ, ଆଗକୁ ସେ ଆଉ ଦଳର ସଭାପତି ରହିବାକୁ ଚାହିୁଁନାହାନ୍ତି । ଦଳ ନୂଆ ସଭାପତି ନିର୍ବାଚନ ପ୍ରକ୍ରିୟା ଆରମ୍ଭ କରୁ । ବୈଠକ ଆରମ୍ଭ ହେବା ପରେ ଏ ସମ୍ପର୍କିତ ଚିଠି ଦଳର ନେତା କେ.ସି ବେଣୁଗୋପାଳ ପଢିଥିଲେ | ତେବେ ସୋନିଆ ନିଜ ନିଷ୍ପତିର ପୁନଃବିଚାର କରନ୍ତୁ ବୋଲି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଓ ବରିଷ୍ଠ ନେତା ଏ.କେ ଆଂଟେନୀ ଅନୁରୋଧ କରିଥିବା ଜଣା ପଡିଛି ।

ସେପଟେ ଦଳର ୨୩ ନେତା ଦେଇଥିବା ଚିଠିର ସମୟ ଉପରେ ପ୍ରଶ୍ନ ଉଠାଇଛନ୍ତି କଂଗ୍ରେସ ନେତା ରାହୁଲ ଗାନ୍ଧି । ସେ କହିଛନ୍ତି, ଯେତେବେଳେ ମଧ୍ୟପ୍ରଦେଶ ଏବଂ ରାଜସ୍ଥାନରେ ଦଳୀୟ କନ୍ଦଳ ଲାଗିରହିଥିଲା ଓ ସୋନିଆ ଗାନ୍ଧୀ ଅସୁସ୍ଥ ଥିଲେ ସେତେବେଳେ ଚିଠି ଲେଖାଯିବାର କ’ଣ ଦରକାର ଥିଲା । ଏହି ଚିଠି ପାଇଁ ସେ ଦୁଃଖିତ ବୋଲି କହିଥିଲେ ରାହୁଲ ଗାନ୍ଧି । ଏହା ସହ ଚିଠି ଲେଖିଥିବା ୨୩ଜଣ ନେତା ବିଜେପି ସହ ମିଶି ଏଭଳି କରିଥିବା ଅଭିଯୋଗ ଆଣିଥିଲେ ରାହୁଲ | ରାହୁଲ ଗାନ୍ଧୀ ଅସନ୍ତୁଷ୍ଟ ନେତା ଦଳ ବିରୋଧରେ ବିଜେପି ସହ ମିଶିଥିବା ଅଭିଯୋଗ କରିବା ପରେ ବରିଷ୍ଠ କଂଗ୍ରେସ ନେତା ଗୁଲାମ ନବୀ ଆଜାଦ କହିଛନ୍ତି ଯେ, ଅଭିଯୋଗ ସତ୍ୟ ପ୍ରମାଣ ହେଲେ ସେ ଇସ୍ତଫା ଦେବେ।

कांग्रेस नेता राहुल गांधी
aajtak

ତେବେ ସବୁ କଂଗ୍ରେସ ଶାସିତ ରାଜ୍ୟର ମୁଖ୍ୟମନ୍ତ୍ରୀ ସୋନଆ ଗାନ୍ଧିଙ୍କୁ ସଭାପତି ପଦରେ ରହିବା ପାଇଁ ଅନୁରୋଧ କରିଛନ୍ତି । ସେହିଭଳି ଏ.କେ ଆଂଟେନୀ ମଧ୍ୟ ରାହୁଲ ଗାନ୍ଧିଙ୍କୁ ସଭାପତି ନହେବା ପାଇଁ ନେଇଥିବା ନିଷ୍ପତିର ପୁନଃବିଚାର କରିବାକୁ ଅନୁରୋଧ କରିଛନ୍ତି ।

ସମ୍ବନ୍ଧିତ ଖବର

Comments are closed.