ଆରବ ସାଗରରେ ଦାନାବାନ୍ଧୁଛି ସାମୁଦ୍ରିକ ବାତ୍ୟା ହିକ୍କା
ନୂଆଦିଲ୍ଲୀ : ଗୁଜୁରାଟ ଉପକୂଳରେ ସୃଷ୍ଟି ହୋଇଥିବା ଏକ ଡିପ୍ରେସନ ଧୀରେ ଧୀରେ ବାତ୍ୟା ରୂପ ନେଉଛି । ଏହାର ନାମ ଦିଆଯାଇଛି ହିକ୍କା । ତେବେ ଏହି ବାତ୍ୟା ଯୋଗୁଁ ଭାରତର ପଶ୍ଚିମ ଉପକୂଳରେ ବିଶେଷ ପ୍ରଭାବିତ ହେବାର ଆଶଙ୍କା ନାହିଁ । କିନ୍ତୁ ଏହାର ପ୍ରଭାବରେ ଗୁଜୁରାଟ,ତେଲେଙ୍ଗାନା, ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ଆସନ୍ତା ୪୮ ଘଣ୍ଟା ପର୍ଯ୍ୟନ୍ତ ପ୍ରବଳ ବର୍ଷା ହେବ ବୋଲି ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ଏହା ଆଜି ଦିନ ୧୧ଟା ୩୦ ମିନିଟ ସୁଦ୍ଧା ଗୁଜୁରାଟର ବେରାବଲଠାରୁ ୫୬୦ କିମି ଦକ୍ଷିଣ ପଶ୍ଚିମ ଦିଗରେ କେନ୍ଦ୍ରୀଭୂତ ହୋଇରହିଛି । ଏହା ଏବେ ଘଣ୍ଟାପ୍ରତି ୨୧ କିମି ବେଗରେ ଦକ୍ଷିଣ-ପଶ୍ଚିମ ଦିଗରେ ଗତି କରୁଛି । ଏହା ପଶ୍ଚିମମୁଖା ହୋଇ ଓମାନ ଆଡକୁ ଯିବାର ସମ୍ଭାବନା ରହିଛି । ଫଳରେ ଏହାର ବିଶେଷ ପ୍ରଭାବ ପଶ୍ଚିମ ଭାରତରେ ପଡିବାର ଆଶଙ୍କା ନାହିଁ । ତେବେ ଏହାର ପ୍ରଭାବରେ ଗୁଜୁରାଟ,ତେଲେଙ୍ଗାନା, ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ଆସନ୍ତା ୪୮ ଘଣ୍ଟା ପର୍ଯ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ଆଇଏମଡି କହିଛି ।