୧୦୫ ଦିନ ପରେ ଭାରତରେ ଦୈନିକ ନୂତନ କରୋନାଭାଇରସ୍ ସଂକ୍ରମିତଙ୍କ ସଂଖ୍ୟା ୪୦,୦୦୦ ତଳକୁ ଖସିଲା
ନୂଆଦିଲ୍ଲୀ: ଦୀର୍ଘ ୧୦୫ ଦିନର ବ୍ୟବଧାନ ପରେ ଦେଶରେ ଦୈନିକ ନୂତନ କରୋନାଭାଇରସ୍ ବା କୋଭିଡ୍-୧୯ ସଂକ୍ରମିତଙ୍କ ରୋଗୀଙ୍କ ସଂଖ୍ୟା ୪୦ ହଜାରରୁ ତଳକୁ ଖସିଛି।
Sambad is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟା ମଧ୍ୟରେ ଭାରତରେ ନୂତନ ଭାବେ ୩୮,୩୧୦ କରୋନାଭାଇରସ୍ ବା କୋଭିଡ୍-୧୯ ସଂକ୍ରମଣ ମାମଲା ରିପୋର୍ଟ ହୋଇଥିବା ବେଳେ ଏହାକୁ ମିଶାଇ ଦେଶର ମୋଟ ସଂକ୍ରମଣ ମାମଲା ୮୨,୬୭,୬୨୩ରେ ପହଞ୍ଚିଛି। ତେବେ, ୧୦୫ ଦିନ ପରେ ପ୍ରଥମ ଥର ପାଇଁ ଦେଶରେ ଦୈନିକ କରୋନାଭାଇରସ୍ ସଂକ୍ରମିତ ରୋଗୀଙ୍କ ସଂଖ୍ୟା ୪୦,୦୦୦ ତଳେ ରହିଛି। ସେହିପରି ଦେଶରେ କରୋନା ସକ୍ରିୟ ମାମଲା ଏବଂ କରୋନାରୁ ଆରୋଗ୍ୟ ମାମଲା ମଧ୍ୟରେ ବ୍ୟବଧାନ ଆଜି ୭୦ ଲକ୍ଷ ଅତିକ୍ରମ କରି ଯାଇଛି।
#IndiaFightsCorona#Unite2FightCorona
The new confirmed cases in the last 24 hours have fallen under 40,000.
38,310 daily New Cases recorded after 105 days.
The newly added cases were 37,724 on 22nd July 2020.https://t.co/k8wqQ84Dap pic.twitter.com/rjpG664sAs
— Ministry of Health (@MoHFW_INDIA) November 3, 2020
ସଂପ୍ରତି ବିଶ୍ୱର ଅନେକ ରାଷ୍ଟ୍ରରେ କରୋନାଭାଇରସ୍ ବା କୋଭିଡ୍-୧୯ର ଦ୍ୱିତୀୟ ଲହରି ଆତଙ୍କଜନକ ପରିସ୍ଥିତି ସୃଷ୍ଟି କରିବା ସହ ଚିନ୍ତାର କାରଣ ହୋଇପଡ଼ିଥିବା ବେଳେ ଦେଶରେ ଦୈନିକ କରୋନାଭାଇରସ୍ ସଂକ୍ରମିତ ରୋଗୀଙ୍କ ସଂଖ୍ୟାରେ ଉଲ୍ଲେଖନୀୟ ହ୍ରାସ କିଛିଟା ଆଶ୍ୱସ୍ତି ଆଣି ଦେଇଛି।