ମୁଲାୟମଙ୍କ ଆସନରୁ ନିର୍ବାଚନ ଲଢ଼ିବେ ବୋହୂ ଡିମ୍ପଲ ଯାଦବ
ଲକ୍ଷ୍ନୌ: ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ପତ୍ନୀ ତଥା ପୂର୍ବତନ ସାଂସଦ ଡିମ୍ପଲ ଯାଦବ ଉତ୍ତରପ୍ରଦେଶର ମୈନପୁରୀ ଲୋକସଭା ଆସନରୁ ନିର୍ବାଚନ ଲଢ଼ିବେ। ଡିମ୍ପଲଙ୍କ ଶ୍ବଶୁର ମୁଲାୟମ ସିଂହ ଯାଦବଙ୍କ ମୃତ୍ୟୁ ପରେ ଏହି ଆସନ ଖାଲି ପଡ଼ିଥିବାରୁ ସେଠାରେ ନିର୍ବାଚନ ହେଉଛି। ୫ ରାଜ୍ୟରେ ବିଧାନସଭା ଉପନିର୍ବାଚନ ସହ ମୈନପୁରୀରେ ନିର୍ବାଚନ ଅଛି।
Sambad is now on WhatsApp
Join and get latest news updates delivered to you via WhatsApp
ଡିସେମ୍ବର ୮ରେ ଫଳାଫଳ ଆସିବ। ୪୨ ବର୍ଷୀୟା ଡିମ୍ପଲ ଯାଦବ କନୌଜରୁ ୨ ଥର ଲୋକସଭା ସାଂସଦ ହୋଇଛନ୍ତି କିନ୍ତୁ ୨୦୧୯ରେ ସେ ତାଙ୍କ ଆସନ ହରାଇ ଦେଇଥିଲେ। ଦୀର୍ଘଦିନର ଅସୁସ୍ଥତା ପରେ ଗତ ମାସରେ ମୁଲାୟମଙ୍କ ପରଲୋକ ହୋଇଥିଲା। ମୈନପୁରୀକୁ ମୁଲାୟମ ସିଂହ ଯାଦବଙ୍କ ପାରିବାରିକ ଆସନ ବିବେଚନା କରାଯାଏ। ୨୦୧୯ରେ ମୋଦୀ ଲହର ସତ୍ତ୍ବେ ମୁଲାୟମ ଏହି ଆସନରେ ନିର୍ବାଚନ ଜିତିଥିଲେ। ୧୯୯୬ ପରଠାରୁ ସମାଜବାଦୀ ପାର୍ଟି ଲଗାତାର ଲୋକସଭା ନିର୍ବାଚନରେ ମୈନପୁରୀରୁ ଜିତିଛି।