ଦାଉଦ ଇବ୍ରାହିମ ପାକିସ୍ତାନରେ ଲୁଚିଥିବା ନେଇ ଭାରତକୁ ମିଳିଲା ଠୋସ୍ ପ୍ରମାଣ
ନୂଆଦିଲ୍ଲୀ: କୁଖ୍ୟାତ ଅପରାଧୀ ଦାଉଦ ଇବ୍ରାହିମ ପାକିସ୍ତାନରେ ଲୁଚିଥିବାନେଇ ଭାରତକୁ ଠୋସ୍ ପ୍ରମାଣ ମିଳିଛି ।ଭାରତର ଗୁଇନ୍ଦା ସଂସ୍ଥାକୁ ଦାଉଦର ଏକ ଫଟୋ ମିଳିଛି, ଯେଉଁଥିରେ ସେ ସୁସ୍ଥ ଥିବା ଦେଖାଯାଉଛି । ପୂର୍ବରୁ ଗଣମାଧ୍ୟମରେ ଖବର ପ୍ରକାଶ ହେଉଥିଲା ଯେ, ଦାଉଦର ଆଣ୍ଠୁରେ ଯନ୍ତ୍ରଣା ଲାଗିଛି । ସେ ରୋଗୀ ଭାବରେ ବେଡରେ ଶୋଇଛି । ଗୁଇନ୍ଦା ରିପୋର୍ଟ ଅନୁସାରେ ଦାଉଦ କରାଚିସ୍ଥିତ କ୍ଲିଫଟନ ହାଉସ ବଙ୍ଗଳାରେ ରହୁଛି ଓ ପତ୍ନୀ ମେହଜବୀନ ଓ ତାଙ୍କର ପୁଅ ମୋଇନ ନୱାଜ ସହିତ ସଂପର୍କରେ ରହିଛି ।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ଭାରତ ଯେତେବେଳେ ବି ପାକିସ୍ତାନରୁ ଦାଉଦ ଇବ୍ରାହିମକୁ ପ୍ରତ୍ୟାର୍ପଣ ପ୍ରସଙ୍ଗ ଉଠାଉଛି, ସେତେବେଳ ପାକିସ୍ତାନ ଦାଉଦ ତାଙ୍କର ଦେଶରେ ନାହିଁ ବୋଲି କହିଆସୁଛି । ମୁମ୍ବାଇରେ ୧୯୯୩ରେ ହୋଇଥିବା କ୍ରମାଗତ ବିସ୍ଫୋରଣର କୁଖ୍ୟାତ ଅପରାଧୀ ଦାଉଦ ବିଗତ ୨୫ ବର୍ଷ ହେବ ଫେରାର ଅଛି । ସେ ପାକିସ୍ତାନରେ ରହି ଭାରତ ବିପକ୍ଷରେ ଷଡ଼ଯନ୍ତ୍ର କରୁଛି । ମାତ୍ର ପାକିସ୍ତାନର ମିଛ ପୁଣି ଥରେ ଧରାପଡ଼ିଛି ।