ଅନ୍ତିମ ସଂସ୍କାର ପାଇଁ ନିଆ ଯାଉଥିବା ବେଳେ କଫିନ ଭିତରୁ ଶବ୍ଦ କଲେ ମହିଳା

ନୂଆଦିଲ୍ଲୀ: କଥାରେ ଅଛି ‘ଯାହାକୁ ରଖିବ ଅନନ୍ତ କି କରି ପାରିବ ବଳବନ୍ତ’। ସୋସିଆଲ ମିଡିଆରେ ଏମିତି ଘଟଣା ଅନେକ ଥର ଶୁଣିବାକୁ ମିଳିଛି। ଯାହାକୁ ଆଖି ସାମ୍ନାରେ ଦେଖିଲେ ବି ବିଶ୍ବାସ କରି ହୋଇ ନଥାଏ, ଲୋମମୂଳ ଟାଙ୍କୁରି ଉଠିଥାଏ। ଏମିତି ଏକ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ଏକ କଫିନ ଭିତରୁ ମହିଳାଙ୍କୁ ଜୀବିତ ଉଦ୍ଧାର କରାଯାଉଥିବା ଦେଖିବାକୁ ମିଳୁଛି।

ସୂଚନାଯୋଗ୍ୟ, ୭୬ବର୍ଷୀୟ ବୃଦ୍ଧ ମହିଳାଙ୍କୁ ବ୍ରେନ ଷ୍ଟୋକ ପରେ ମୃତ ଘୋଷଣା କରାଯାଇଥିଲା। ଏମିତିକି ତାଙ୍କର ମୃତ୍ୟୁ ସାର୍ଟିଫିକେଟ ବି ଜାରି କରାଯାଇଥିଲା। ଏହାପରେ ତାଙ୍କୁ କଫିନରେ ଭର୍ତ୍ତି କରି ଅନ୍ତିମ ସଂସ୍କାର ପାଇଁ ନିଆଁ ଯାଉଥିଲା। ଏହି ସମୟରେ ମହିଳାଙ୍କ ଚେତା ଫେରି ଆସିଥିଲା। ସେ କଫିନ ଭିତରେ ଥାଇ ଶବ୍ଦ କରିଥିଲେ।

🇪🇨 | LO ÚLTIMO: ¡Aunque usted no lo crea!

Una mujer que fue declarada muerta por un médico, revivió en pleno sepelio ante la mirada de sus familiares, inmediatamente fue trasladado al hospital Martin Icaza donde la volvieron a atender, ocurrió en Babahoyo, Ecuador. pic.twitter.com/nYn0o5jDab

— Alerta Mundial (@AlertaMundial2) June 10, 2023

ପରିବାରଲୋକେ ପ୍ରଥମେ ଏହି ଶବ୍ଦ ଶୁଣି ଭୟଭୀତ ହୋଇଯାଇଥିଲେ। ପରେ ସାହାସ କରି କଫିନ ଖୋଲିଥିଲେ। କଫିନ ଖୋଲିବା ପରେ ସେଥିରେ ବୃଦ୍ଧ ମହିଳାଙ୍କ ନିଶ୍ବାସ ଚାଲୁଥିବା ସେମାନେ ଦେଖିବାକୁ ପାଇଥିଲେ। ତୁରନ୍ତ ବୃଦ୍ଧ ବେଲା ମୋଟାୟାଙ୍କୁ କଫନରୁ ବାହାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କର ଅକ୍ସିଜେନ ସପୋର୍ଟ ଦେଇ ଚିକିତ୍ସାି ଜାରି ରଖିଛନ୍ତି।