ଫାଶୀଠାରୁ କମ ଯନ୍ତ୍ରଣାଦାୟକ ମୃତ୍ୟୁଦଣ୍ଡ ପଦ୍ଧତି ଅଛି କି ? ସୁପ୍ରିମକୋର୍ଟ କରିବେ ବିଚାର

ନୂଆଦିଲ୍ଲୀ: ଦେଶରେ ମୃତ୍ୟୁଦଣ୍ଡ ପରିବର୍ତ୍ତେ ଆଉ ଏକ ଯନ୍ତ୍ରଣାବିହୀନ ମୃତ୍ୟୁଦଣ୍ଡ ପଦ୍ଧତି ଲାଗୁ କରାଯାଇପାରିବ କି? ଖୁବ୍ ଶୀଘ୍ର ସୁପ୍ରିମକୋର୍ଟ ଏହା ଉପରେ ବିଚାର କରିବେ। ଏ ପ୍ରସଙ୍ଗରେ ଏକ ବିଶେଷଜ୍ଞ କମିଟି ଗଠନ ପାଇଁ  ସର୍ବୋଚ୍ଚ ନ୍ୟାୟାଳୟ ବିଚାର କରୁଛନ୍ତି । ପୁଣି ଏ ନେଇ ଦେଶରେ ଏକ ବିତର୍କ ଆରମ୍ଭ କରିବା ସହ ତଥ୍ୟ ସଂଗ୍ରହ ପାଇଁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ କହିଛନ୍ତି । ଫାଶୀ ଦ୍ୱାରା କେତେ ଯନ୍ତ୍ରଣା ହୁଏ ବୋଲି ସୁପ୍ରିମକୋର୍ଟ ପ୍ରଶ୍ନ କରିଛନ୍ତି। ମୃତ୍ୟୁଦଣ୍ଡ ଉପରେ ଆଧୁନିକ ବିଜ୍ଞାନ ଓ ବୈଷୟିକ ଜ୍ଞାନକୌଶଳର ଦୃଷ୍ଟିକୋଣ କ’ଣ? ଦେଶରେ କିମ୍ବା ବିଦେଶରେ ମୃତ୍ୟୁଦଣ୍ଡର ବିକଳ୍ପ ଉପରେ କୌଣସି ତଥ୍ୟ ଅଛି କି? ଆସନ୍ତା ଏପ୍ରିଲ ୨ ତାରିଖରେ ସୁପ୍ରିମକୋର୍ଟରେ ଏହି ମାମଲାର ଶୁଣାଣି ହେବ।

ଶୁଣାଣି ସମୟରେ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ ଆବେଦନକାରୀ ଏବଂ ଏଜି ଭେଙ୍କଟରମଣିଙ୍କୁ କହିଥିଲେ, ହଁ, ଏହା ଚିନ୍ତାର ବିଷୟ। ଆମ ହାତରେ କିଛି ବୈଜ୍ଞାନିକ ତଥ୍ୟ ଦରକାର । ବିଭିନ୍ନ ଉପାୟରେ ହେଉଥିବା ଦୁଃଖ ବିଷୟରେ ଆମକୁ କିଛି ତଥ୍ୟ ଦିଅନ୍ତୁ । ଏନେଇ ଆମେ ଏକ କମିଟି ଗଠନ କରିପାରିବା । କମିଟିରେ କିଏ ସାମିଲ ହୋଇପାରିବ ସେ ନେଇ ପରାମର୍ଶ ଦେଇପାରିବେ। ଏପରିକି ମାରାତ୍ମକ ଇଞ୍ଜେକ୍ସନ ମଧ୍ୟ ଯନ୍ତ୍ରଣାଦାୟକ।

ମାନବିକ ଅଧିକାରର ସମ୍ପୂର୍ଣ୍ଣ ଉଲ୍ଲଂଘନ କରି ଗୁଳିଚାଳନା ସାମରିକ ଶାସନର ପ୍ରିୟ ଟାଇମ୍ ପାସ୍ ଥିଲା। କେନ୍ଦ୍ର ସରକାରଙ୍କ ତରଫରୁ ଆଟର୍ଣ୍ଣି ଜେନେରାଲ କହିଛନ୍ତି ଯେ ଯଦି କମିଟି ଗଠନ କରାଯାଏ ତେବେ ଆମର କୌଣସି ଆପତ୍ତି ରହିବ ନାହିଁ । କିନ୍ତୁ ମୋତେ ମଧ୍ୟ ନିର୍ଦ୍ଦେଶ ନେବାକୁ ପଡ଼ିବ।

ଯଦି ଅନ୍ୟ କୌଣସି ପଦ୍ଧତି ଅବଲମ୍ବନ କରାଯାଇପାରିବ, ତେବେ ଫାଶୀ ମାଧ୍ୟମରେ ମୃତ୍ୟୁଦଣ୍ଡକୁ ଅସାମ୍ବିଧାନିକ ଘୋଷଣା କରାଯାଇପାରିବ କି ନାହିଁ ତାହା ଦେଖିବାକୁ ପଡ଼ିବ ବୋଲି ପ୍ରଧାନ ବିଚାରପତି କହିଛନ୍ତି।