ଗରମ ବଢିଛି, ମୃତ୍ୟୁ ସଂଖ୍ୟା କମିଛି
ନୂଆଦିଲ୍ଲୀ: ଦେଶର ୧୫ ରାଜ୍ୟର ପାଖାପାଖି ୭୨ କୋଟି ଲୋକ ଏବେ ଗରମରେ ଅସ୍ତବ୍ୟସ୍ତ ହେଉଛନ୍ତି | ଏହି ରାଜ୍ୟର ପାରଦ ୪୦ରୁ ୫୦ ଡିଗ୍ରୀ ମଧ୍ୟରେ ରହୁଛି | ଉତ୍ତର ଭାରତରେ ପ୍ରବଳ ଗରମ ଅନୁଭୂତ ହେଉଛି | ତେବେ ୨୦୧୫ ତୁଳନାରେ ଅଂଶୁଘାତରେ ଲୋକଙ୍କର ମୃତ୍ୟୁ ସଂଖ୍ୟା କମିଛି | ଗତ ୪୯ ବର୍ଷରେ ଅଂଶୁଘାତରେ ୧୬୫୯୧ ଜଣ ଲୋକଙ୍କର ମୃତ୍ୟୁ ହୋଇଛି | ଏକ ରିପୋର୍ଟ ମୁତାବକ ୨୦୧୫ରେ ସର୍ବାଧିକ ଲୋକଙ୍କର ଅଂଶୁଘାତରେ ମୃତ୍ୟୁ ହୋଇଥିଲା | ଆମେ ଆଜି ଆପଣଙ୍କୁ କହିବୁ ୨୦୧୦ରୁ ୨୦୧୮ ମଧ୍ୟରେ କେତେଜଣଙ୍କର ଅଂଶୁଘାତରେ ମୃତ୍ୟୁ ହୋଇଛି |
Sambad is now on WhatsApp
Join and get latest news updates delivered to you via WhatsApp
ବର୍ଷ ମୃତ୍ୟୁ ସଂଖ୍ୟା
୨୦୧୦ ୨୩୬
୨୦୧୧ ୧୨
୨୦୧୨ ୭୨୯
୨୦୧୩ ୧୪୩୩
୨୦୧୪ ୫୪୮
୨୦୧୫ ୨୦୮୧
୨୦୧୬ ୭୦୦
୨୦୧୭ ୩୭୫
୨୦୧୮ ୨୭
ଏହି ପରିସଂଖ୍ୟାନକୁ ଦେଖିଲେ ଗୋଟିଏ କଥା ଜଣାପଡୁଛି ଯେ ୨୦୧୫ ତୁଳନାରେ ୨୦୧୮ରେ ଅଂଶୁଘାତରେ ମୃତ୍ୟୁ ସଂଖ୍ୟା କମିଛି | ୨୦୧୯ର ତଥ୍ୟ ସମ୍ପୂର୍ଣ୍ଣ ଆସିଲେ ହିଁ ଜଣାପଡିବ ଏଥର ଅଂଶୁଘାତ କେତେ ଜଣଙ୍କର ଜୀବନ ନେଇଛି | ସେହିପରି ଦେଶର ସବୁଠାରୁ ଅଧିକ ଗରମ ହେଉଥିବା ରାଜ୍ୟ ତାଲିକାରେ ପଞ୍ଜାବ, ହିମାଚଳପ୍ରଦେଶ, ଉତ୍ତରାଖଣ୍ଡ, ଦିଲ୍ଲୀ, ହରିଆଣା. ରାଜସ୍ଥାନ, ଉତ୍ତରପ୍ରଦେଶ, ଗୁଜୁରାଟ, ମଧ୍ୟପ୍ରଦେଶ, ଛତିଶଗଡ଼, ବିହାର,ଝାଡ଼ଖଣ୍ଡ, ପଶ୍ଚିମବଙ୍ଗ, ଓଡିଶା,ତେଲେଙ୍ଗାନାକୁ ସାମିଲ କରାଯାଇଛି |