ନୂଆଦିଲ୍ଲୀ : ସୋସିଆଲ ମିଡିଆରେ କିଛି ଦିନ ହେଲାଣି ଏକ ଶିଶୁ ବନ୍ୟା ପାଣିରେ ମରି ପଡ଼ିଥିବାର ଫଟୋ ଭାଇରାଲ ହେବାରେ ଲାଗିଛି । ଏହି ଦୃଶ୍ୟ ସମସ୍ତଙ୍କ ମନକୁ ବିଚଳିତ କରିଥିବା ବେଳେ ବିହାରରେ ହୋଇଥିବା ବନ୍ୟା ପାଣିରେ ଭାସି ଯାଇ ଶିଶୁଟିର ମୃତ୍ୟୁ ହୋଇଥିଲା ବୋଲି ପ୍ରଥମେ ଜଣା ପଡ଼ିଥିଲା । କିନ୍ତୁ ଏବେ ମୃତ୍ୟୁ ପଛର ପ୍ରକୃତ କାରଣ ସାମ୍ନାକୁ ଆସିଛି । ଶିଶୁଟିର ମୃତ୍ୟୁ ବନ୍ୟା ପାଣିରେ ବୁଡ଼ି ନୁହେଁ ବରଂ ପାଣିରେ ବୁଡ଼ାଇ ତାକୁ ହତ୍ୟା କରାଯାଇଥିବା ଜଣା ପଡ଼ିଛି ।

Advertisment

publive-image aajtak.intoday.in

ସୂଚନା ମୁତାବକ, ଜୁଲାଇ ୧୬, ୨୦୧୯ରେ ମୁଜାଫରପୁରର ଶୀତଳପଟ୍ଟୀ ଗାଁରେ ରହୁଥିବା ରୀନା ଦେବୀଙ୍କର ନିଜ ସ୍ୱାମୀଙ୍କ ସହ ଫୋନରେ ଝଗଡ଼ା କରିଥିଲେ । ଏହା ପରେ ରାଗରେ ସେ ନିଜ ୪ଟି ସନ୍ତାନଙ୍କୁ ନଦୀରେ ଫିଙ୍ଗିବା ସହ ନିଜେ ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । ରୀନା ଦେବୀଙ୍କ ସହ ୪ଜଣଙ୍କ ପିଲାଙ୍କ ମଧ୍ୟରୁ ଜଣଙ୍କୁ ବଞ୍ଚାଇବାରେ ଗାଁ ଲୋକେ ସଫଳ ହୋଇଥିବା ବେଳେ ବାକି ୩ଜଣ ବୁଡ଼ି ମୃତ୍ୟୁବରଣ କରିଥିଲେ ।