ମୋଗାଦିସୁ : ଉତ୍ତର-ପୂର୍ବ ଆଫ୍ରିକୀୟ ଦେଶ ସୋମାଲିଆରେ ଆଜି ଏକ ଭୟଙ୍କର କାର ବୋମା ବିସ୍ଫୋରଣ ହୋଇ ପ୍ରାୟ ୧୧ ଜଣ ବ୍ୟକ୍ତି ପ୍ରାଣ ହରାଇଛନ୍ତି । ଏହି ଘଟଣାରେ ପ୍ରାୟ ୧୦ ଜଣ ବ୍ୟକ୍ତି ଗୁରୁତର ଆହତ ହୋଇଥିବା ଖବର ହସ୍ତଗତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୋମାଲିଆ ରାଜଧାନୀ ମୋଗାଦିସୁ ସହରରେ ଥିବା ଏକ ସପିଂ ମଲ ଆଗରେ ରଖାଯାଇଥିବା ଏକ କାରରେ ଏହି ବୋମା ରଖାଯାଇଥିଲା ବୋଲି ପୁଲିସ ମୁଖ୍ୟ କ୍ୟାପଟେନ ମହମ୍ମଦ ହୁସେନ କହିଛନ୍ତି । ତେବେ ବର୍ତ୍ତମାନ ସୁଦ୍ଧା କୌଣସି ଆତଙ୍କବାଦୀ ସଂଗଠନ ଏହି ଘଟଣା ପାଇଁ ନିଜକୁ ଦାୟୀ କରିନାହାନ୍ତି । ତେବେ ଅଲ କାଇଦା ସହ ସଂପର୍କ ରଖିଥିବା ଇସ୍ଲାମିକ ସଂଗଠନ ଅଲ-ସବାବ ପକ୍ଷରୁ ଏହାକୁ କାର୍ଯ୍ୟକାରୀ କରାଯାଇଥିବା ସେଂଦେହ କରାଯାଉଛି । ସୋମାଲିଆରୁ ଏହି ସଂଗଠନର ଶକ୍ତି କ୍ରମଶଃ ହ୍ରାସ ପାଇବା ସତ୍ତ୍ୱେ ମଝିରେ ମଝିରେ ଏହା ଆତଙ୍କବାଦୀ ଆକ୍ରମଣ ଜାରି ରଖିଛି । କେବଳ ସୋମାଲିଆ ନୁହେଁ ପଡୋଶୀ କେନିୟା ଓ ଇଥିଓପିଆରେ ମଧ୍ୟ ଆତଙ୍କବାଦୀ ଆକ୍ରମଣ କରୁଛି ।