ଚଣ୍ଡିଗଡ଼: ହାର, ମଧ୍ୟପ୍ରଦେଶ, ଉତ୍ତରପ୍ରଦେଶ ଏବଂ ପଞ୍ଜାବ ସମେତ ଦେଶର ୭ ଟି ରାଜ୍ୟର ୧୩ଟି ବିଧାନସଭା ଆସନରେ ଅନୁଷ୍ଠିତ ଉପ-ନିର୍ବାଚନର ଫଳାଫଳ ପ୍ରକାଶ ପାଇଛି। ପଞ୍ଜାବର ଜଲନ୍ଦର ପଶ୍ଚିମ ବିଧାନସଭା ଆସନରୁ ଏଏପି ନେତା ମୋହିନ୍ଦର ଭଗତ ଏକ ବଡ଼ ବିଜୟ ପଞ୍ଜିକରଣ କରିଛନ୍ତି।
ମୋହିନ୍ଦର ଭଗତ ୩୭ ହଜାରରୁ ଅଧିକ ଭୋଟ୍ ପାଇଥିବାବେଳେ ବିଜେପି ନେତା ଶିତଲ ଅଙ୍ଗୁରାଲ ୧୭୯୨୧ ଭୋଟ୍ ସହ ଦ୍ୱିତୀୟ ସ୍ଥାନରେ ରହିଛନ୍ତି ଏବଂ କଂଗ୍ରେସ ପ୍ରାର୍ଥୀ ୧୬୭୫୭ ଭୋଟ୍ ପାଇଛନ୍ତି। କିନ୍ତୁ ସ୍ବାଧୀନ ପ୍ରାର୍ଥୀ ଏକ ହଜାର ଭୋଟ୍ ବି ପାଇନାହାନ୍ତି କିନ୍ତୁ ତାଙ୍କୁ ନେଇ ଅନେକ ଆଲୋଚନା କରାଯାଉଛି।
236 वोट मिलने की ख़ुशी। 😀
— Anurag Chaddha (@AnuragChaddha) July 13, 2024
जालंधर वेस्ट उपचुनाव में निर्दलीय प्रत्याशी Neetu Shatran Wala परिणाम के बाद। आप के प्रत्याशी ने यहाँ से 55246 वोट से जीत दर्ज की। pic.twitter.com/WuGxFdqilo
ଜଲନ୍ଦର ପଶ୍ଚିମ ବିଧାନସଭା ଆସନରୁ ପ୍ରାର୍ଥୀ ନୀତୁ ଶତରନ ଭାଲାଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କୁହାଯାଉଛି ଯେ ନୀତୁ ମାତ୍ର ୨୩୬ ଭୋଟ୍ ପାଇଛନ୍ତି। ପରାଜିତ ହେବା ପରେ ସେ କାଦୁଅରେ ଗଡ଼ିଥିବାର ନଜର ଆସିଥିଲେ। ଭାଇରାଲ୍ ଭିଡିଓରେ ଦେଖିବାକୁ ମିଳୁଛି ସେ ଧଳା କୁର୍ତ୍ତା-ପାଇଜାମା ପିନ୍ଧି କାଦୁଅ ପାଣିରେ ଗଡୁଛନ୍ତି। ଏହି ସମୟରେ ତାଙ୍କ ବେକରେ ଅନେକ ମାଳ ଝୁଲୁଛି।
ନୀତୁ ପୂର୍ବରୁ ଏକ ବିବୃତ୍ତି ଦେଇଥିଲେ ଯେ ଯଦି ସେ ହାରିଯାଆନ୍ତି, ତେବେ ସେ କାଦୁଅରେ ସ୍ନାନ କରିବେ। ତାଙ୍କ ପ୍ରତିଜ୍ଞା ପୂରଣ କରିବାକୁ ସେ ମଇଳା ପାଣି ଭିତରକୁ ଡେଇଁଥିଲେ। ଏବେ ଏହି ଭିଡ଼ିଓ ନେଇ ଚର୍ଚ୍ଚା ହେଉଛି।