ଶିବସେନା କର୍ମୀ ଆକ୍ରମଣ କରିଥିବା ଅବସରପ୍ରାପ୍ତ ନୌସେନା ଅଧିକାରୀଙ୍କୁ ଫୋନ କଲେ ରାଜନାଥ ସିଂ
ନୂଆଦିଲ୍ଲୀ : ଶିବସେନା କର୍ମୀଙ୍କ ଦ୍ୱାରା ଆକ୍ରମଣର ସମ୍ମୁଖୀନ ହୋଇଥିବା ଅବସରପ୍ରାପ୍ତ ନୌସେନା ଅଧିକାରୀ ମଦନ ଶର୍ମାଙ୍କୁ ଫୋନ କରି ତାଙ୍କ ସ୍ୱାସ୍ଥ୍ୟାବସ୍ଥା ବୁଝିଛନ୍ତି କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ପୂର୍ବତନ ସାମରିକ କର୍ମଚାରୀଙ୍କ ପ୍ରତିି ଏପରି ଆକ୍ରମଣ ଆଦୌ ଗ୍ରହଣୀୟ ନୁହେଁ ବୋଲି ଶ୍ରୀ ସିଂ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏକ ଟ୍ଵିଟ କରି ରାଜନାଥ ଲେଖିଛନ୍ତି, ମୁମ୍ବାଇରେ ଦୁର୍ବୃତ୍ତମାନଙ୍କ ଦ୍ୱାରା ଆକ୍ରମଣର ଶିକାର ହୋଇଥିବା ଅବସରପ୍ରାପ୍ତ ନୌସେନା ଅଧିକାରୀଙ୍କ ସହ କଥା ହୋଇ ତାଙ୍କର ସ୍ୱାସ୍ଥ୍ୟାବସ୍ଥା ବୁଝିଲି । ପୂର୍ବତନ ସାମରିକ କର୍ମଚାରୀଙ୍କ ପ୍ରତିି ଏପରି ଆକ୍ରମଣ ନିନ୍ଦନୀୟ ଓ ଆଦୌ ଗ୍ରହଣୀୟ ନୁହେଁ । ତାଙ୍କର ଆଶୁ ଆରୋଗ୍ୟ କାମନା କରୁଛି ।
ସୂଚନାଯୋଗ୍ୟ ଯେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସଂପର୍କରେ ଏକ କାର୍ଟୁନ ସୋସିଆଲ ମିଡିଆରେ ସେୟାର କରିବା ପରେ ୬ ଜଣ ଶିବସେନା କର୍ମୀ ମଦନଙ୍କୁ ତାଙ୍କ ଘର ଆଗରେ ଆକ୍ରମଣ କରିଥିଲେ । ତାଙ୍କ କଲର ଧରିବା ସହ ତାଙ୍କୁ ପିଟିଥିଲେ । ଏହି ଆକ୍ରମଣରେ ସେ ଆହତ ହୋଇଥିଲେ । ଏହା ପରେ ସଂପୃକ୍ତ ୬ ଜଣଙ୍କୁ ପୁଲିସ ଗିରଫ ଥରିଥିଲା । ପରେ ସେମାନେ ୫ ହଜାର ଟଙ୍କାର ମୁଚାଲିକା ସହ ଜାମିନ ପାଇ ମୁକୁଳିଛନ୍ତି ।
ଏବେ ୬୨ ବର୍ଷୀୟ ମଦନ ଶର୍ମା ମୁମ୍ବାଇର ଏକ ହସପିଟାଲରେ ଚିକିତ୍ସିତ ହେଉଛନ୍ତି ।