ଦେଶର ନୂଆ ପ୍ରତିରକ୍ଷାମନ୍ତ୍ରୀ ହେବା ପରେ ରାଜନାଥ ସିଂହ ଏବେ ଚୀନ ଓ ପାକିସ୍ତାନକୁ ଦେବେ କଡ଼ା ଜବାବ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଥମ ପାଳି ଶାସନରେ ଦେଶର ଗୃହମନ୍ତ୍ରୀ ରହିଥିବା ରାଜନାଥ ସିଂହ ଏବେ ଦେଶର ନୂଆ ପ୍ରତିରକ୍ଷା ମନ୍ତ୍ରୀ । ସେ ନିର୍ମଳ ସୀତାରମଣଙ୍କ ପଦକୁ ସମ୍ଭାଳିଛନ୍ତି। ରାଜନାଥ ସିଂହ ଏମିତି ଜଣେ ବ୍ୟକ୍ତିତ୍ୱ, ଯିଏ ନିଜ ଦଳ ଓ ବିରୋଧୀ ଦଳ ଉଭୟଙ୍କ ମଧ୍ୟରେ ମଧୁର ସମ୍ପର୍କ ରଖି ଥାଆନ୍ତି। କୁହାଯାଉଛି କି ସେ ଦେଶର ବର୍ତ୍ତମାନ ରାଜନୀତିରେ ପ୍ରଥମ ଏମିତି ରାଜନେତା, ଯାହାଙ୍କର କୌଣସି ଶତ୍ରୁ ନାହାନ୍ତି। ରାଜନାଥ ସିଂହ ଚାଷୀଙ୍କ ବିରୋଧ ପ୍ରଦର୍ଶନ, ଜମ୍ମୁ କଶ୍ମୀର ହିଂସା ଓ ସଂରକ୍ଷଣ ସଂଘର୍ଷ ପ୍ରସଙ୍ଗର ସମାଧାନ ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଛନ୍ତି। ତେବେ ଏବେ ସେ ଦେଶର ନୂଆ ପ୍ରତିରକ୍ଷାମନ୍ତ୍ରୀ ହେବା ପରେ ଚୀନ ଓ ପାକିସ୍ତାନକୁ କଡ଼ା ଜବାବ ଦେବେ ବୋଲି ଆଶା କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ରାଜନାଥ ସିଂହଙ୍କର ବିପକ୍ଷ ନେତା ଗୁଲାମ ନବୀ ଆଜାଦ, ମମତା ବାନାର୍ଜୀ, ମୁଲାୟମ ସିଂହ ଯାଦବ ଓ ଓମର ଅବଦୁଲାଙ୍କ ସହିତ ଭଲ ସମ୍ପର୍କ ରହିଛି। ଏହି କାରଣରୁ ସରକାର ଯଦି କୌଣସି ପ୍ରସଙ୍ଗକୁ ନେଇ ଅଡ଼ୁଆରେ ପଡ଼େ ତେବେ ରାଜନାଥ ସିଂହଙ୍କୁ ବିରୋଧୀଙ୍କ ସହିତ ଆଲୋଚନା ପାଇଁ ପଠା ଯାଇଥାଏ । ୬୭ବର୍ଷୀୟ ରାଜନାଥ ଲକ୍ଷ୍ମୌ ଲୋକସଭା ଆସନରୁ ନିର୍ବାଚନ ଲଢ଼ି ଐତିହାସିକ ବିଜୟ ହାସଲ କରିଛନ୍ତି।