କଂଗ୍ରେସ ନେତାଙ୍କ ଟ୍ଵିଟ୍ ପରେ ବଦଳିଲା ଦିଲ୍ଲୀ ବିମାନବନ୍ଦରରେ କ୍ୱାରେଣ୍ଟିନ ଷ୍ଟାମ୍ପର କାଳି
ନୂଆଦିଲ୍ଲୀ: ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦରରେ ବହିରାଗତ ଅନ୍ତର୍ଜାତୀୟ ଯାତ୍ରୀଙ୍କ ପାଇଁ କୋଭିଡ୍-୧୯ କ୍ୱାରେଣ୍ଟିନ ଷ୍ଟାମ୍ପରେ ବ୍ୟବହୃତ ହେଉଥିବା କାଳିରେ ଥିବା ରାସାୟନିକ ପଦାର୍ଥ ଯାତ୍ରୀମାନଙ୍କ ଶରୀରରେ ପ୍ରତିକ୍ରିୟା ସୃଷ୍ଟି କରୁଥିବା ନେଇ ଅଭିଯୋଗ ମିଳିବା ପରେ ଏହି କାଳିର ବ୍ୟବହାରକୁ ବନ୍ଦ କରିଦିଆ ଯାଇଥିବା ଜଣାପଡ଼ିଛି। ଉଲ୍ଲେଖଯୋଗ୍ୟ, କ୍ୱାରେଣ୍ଟିନ ଷ୍ଟାମ୍ପରେ ବ୍ୟବହୃତ ହେଉଥିବା କାଳିରେ ଥିବା ରାସାୟନିକ ପଦାର୍ଥ ଯୋଗୁଁ ଶରୀରରେ ଯନ୍ତ୍ରଣା ଅନୁଭବ କରୁଛନ୍ତି ବୋଲି ଜନୈକ କଂଗ୍ରେସ ନେତା ମଧୁ ଗୌଡ଼ ୟାସଖୀ ଅଭିଯୋଗ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ନିୟମ ଅନୁଯାୟୀ, ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦର ଦେଇ ଆସୁଥିବା ସମସ୍ତ ବହିରାଗତ ଅନ୍ତର୍ଜାତୀୟ ଯାତ୍ରୀଙ୍କୁ ସାତ ଦିନର ଅନୁଷ୍ଠାନିକ କ୍ୟାରେଣ୍ଟିନ କରିବାକୁ ପଡିବ ଏବଂ ସାତ ଦିନିଆ ଘରୋଇ କ୍ୟାରେଣ୍ଟିନରେ ରହିବା ବାଧ୍ୟତାମୂଳକ। ସେଥିପାଇଁ ଏହି କ୍ୱାରେଣ୍ଟିନ୍ ଷ୍ଟାମ୍ପ ସମସ୍ତ ବହିରାଗତ ଯାତ୍ରୀଙ୍କ ହାତରେ ମରା ଯାଉଥିଲା। ତେବେ, ଗତ ଶନିବାର ଦିନ କଂଗ୍ରେସ ନେତା ମଧୁ ଗୌଡ଼ ବିଦେଶରୁ ଦିଲ୍ଲୀ ଆସିବାବେଳେ ତାଙ୍କୁ ମଧ୍ୟ ଷ୍ଟାମ୍ପ କରାଯାଇଥିଲା। ଯାହାକି ପରବର୍ତ୍ତୀ ସମୟରେ ତାଙ୍କ ଶରୀରରେ ପ୍ରତିକ୍ରିୟା ସୃଷ୍ଟି କରିଥିଲା।
Dear @HardeepSPuri Ji, can you please look into the chemical being used at Delhi airport for stamping on passengers coming from abroad? Yesterday I was stamped at @DelhiAirport and this is how my hands look now. pic.twitter.com/Gt1tZvGc8L
— Madhu Goud Yaskhi (@MYaskhi) October 4, 2020
ଏହାପରେ ସେ ଏହି ଘଟଣା ସଂପର୍କରେ ଟ୍ଵିଟ୍ କରି ବେ ସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀଙ୍କ ଦୃଷ୍ଟି ଆକର୍ଷଣ କରିଥିଲେ। ବିମାନବନ୍ଦରର ଜଣେ ଅଧିକାରୀ କହିଛନ୍ତି ଯେ ଏହି ଅଭିଯୋଗ ପରେ କର୍ତ୍ତୃପକ୍ଷ ଆସୁଥିବା ଅନ୍ତର୍ଜାତୀୟ ଯାତ୍ରୀଙ୍କୁ ଷ୍ଟାମ୍ପ କରିବା ପାଇଁ ଏକ ନୂଆ ବ୍ୟାଚ୍ର କାଳି ବ୍ୟବହାର କରିବା ଆରମ୍ଭ କରିଛନ୍ତି।