ଅମ୍ଳଜାନ ଆବଶ୍ୟକତା କମ ହେବା ପରେ ଅତିରକ୍ତ ଅମ୍ଳଜାନ ଅନ୍ୟ ରାଜ୍ୟକୁ ଦେବା ପାଇଁ କେନ୍ଦ୍ରକୁ କହିଲା ଦିଲ୍ଲୀ
ନୂଆଦିଲ୍ଲୀ: ଶକ୍ତ କଟକଣା ପରେ ଏବେ ଦିଲ୍ଲୀରେ ସଂକ୍ରମଣ ହାର କମୁଛି | ପୂର୍ବରୁ ୨୦ହଜାର ଉପରେ ସଂକ୍ରମଣ ରହୁଥିବା ବେଳେ ଏବେ ଏହା ୧୦ହଜାରକୁ ଖସିଛି | ଏହା ସହ ଦିଲ୍ଲୀରେ ଅମ୍ଳଜାନର ଆବଶ୍ୟକତା ମଧ୍ୟ କମ ହୋଇଛି | ପୂର୍ବରୁ ଦିଲ୍ଲୀରେ ୭୦୦ମେଟ୍ରିକ ଟନ ଅମ୍ଳଜାନ ଆବଶ୍ୟକ ପଡୁଥିବା ବେଳେ ଏବେ ଏହା ୫୮୨ମେଟ୍ରିକ ଟନକୁ ଖସିଛି | ତେବେ ଅମ୍ଳଜାନର ଆବଶ୍ୟକତା କମ ହେବା ପରେ ଏବେ ୫୮୨ମେଟ୍ରିକ ଟନ ଅମ୍ଳଜାନ ଦିଲ୍ଲୀକୁ ଦେଇ ବାକି ଅମ୍ଳଜାନ ଅନ୍ୟ ରାଜ୍ୟକୁ ଦେବା ପାଇଁ କହିଛନ୍ତି ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ |
Sambad is now on WhatsApp
Join and get latest news updates delivered to you via WhatsApp
Today, after assessment of the COVID19 situation, Delhi’s oxygen need is 582 MT per day. As a responsible government, we will give the surplus oxygen to the States who need it: Delhi Deputy CM Manish Sisodia pic.twitter.com/kgM2lhAef6
— ANI (@ANI) May 13, 2021
ଆଜି ଭରଚୁଆଲ ପ୍ରେସ କନଫରେନ୍ସରେ ଏହି ସୂଚନା ଦେଇଛନ୍ତି ମନୀଷ ସିସୋଦିଆ | ସେ କହିଛନ୍ତି ଯେ, ଆଜି କରୋନା ପରିସ୍ଥିତିର ମୂଲ୍ୟାଙ୍କନ ପରେ ଜଣାପଡିଛି ଯେ ଦିଲ୍ଲୀର ଅମ୍ଳଜାନ ଆବଶ୍ୟକତା ଏବେ ୫୮୨ ଏମଟି ଅଟେ | ଜଣେ ଦାୟିତ୍ୱବାନ ସରକାର ଭାବରେ, ଆମେ ଆବଶ୍ୟକ କରୁଥିବା ରାଜ୍ୟମାନଙ୍କୁ ଅତିରିକ୍ତ ଅମ୍ଳଜାନ ଦେବୁ | ଏହା ସହ ଦିଲ୍ଲୀବାସୀଙ୍କୁ ଅସହାୟ ସମୟରେ ସାହାଯ୍ୟ କରି ଅମ୍ଳଜାନର ଆବଶ୍ୟକତା ପୂରଣ କରିଥିବାରୁ ଦିଲ୍ଲୀ ହାଇକୋର୍ଟ ଏବଂ କେନ୍ଦ୍ର ସରକାରଙ୍କୁ ସେ ଧନ୍ୟବାଦ ଜଣାଇଛନ୍ତି |