ଧୂଳି ଝଡ଼ ହେବା ପରେ ପ୍ରଦୂଷଣରେ ବୁଡ଼ିଲା ରାଜଧାନୀ ଦିଲ୍ଲୀ

ନୂଆଦିଲ୍ଲୀ: ଗତକାଲି ରାତିରୁ ରାଜଧାନୀ ଦିଲ୍ଲୀରେ ହଠାତ୍ ଧୂଳି ପ୍ରଦୂଷଣ ବୃଦ୍ଧି ପାଇଛି। ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳଗୁଡ଼ିକ ଧୂଳିର ଏକ ଘନ ଆସ୍ତରଣରେ ଆଚ୍ଛାଦିତ ହୋଇଯାଇଛି। ଫଳରେ ଦୃଶ୍ୟମାନତା ହ୍ରାସ କରିଛି ସହର। ଦିଲ୍ଳୀରେ ଧୂଳି ଝଡ଼ ହେବା ପ‌ରଠାରୁ ଏପରି ଅବସ୍ଥା ହୋଇଛି। 

ବାୟୁ ଗୁଣବତ୍ତା ସୂଚକାଙ୍କ (ଏକ୍ବିଆଇ) ୨୦୦ ସ୍ତର ଅତିକ୍ରମ କରି 'ଖରାପ' ବର୍ଗରେ ପ୍ରବେଶ କରିଛି। ଯାହାକି ଗୁରୁତର ସ୍ବାସ୍ଥ୍ୟ ସମସ୍ୟା ଉପୁଜାଇପାରେ ବୋଲି ଆଶଙ୍କା କରାଯାଉଛି। 

ରାଜଧାନୀର ଅନେକ ପ୍ରଦୂଷଣ ଗବେଷଣା କେନ୍ଦ୍ରରୁ ମିଳିଥିବା ତଥ୍ୟ ଦର୍ଶାଉଛି ଯେ ଦିଲ୍ଲୀରେ ସାଧାରଣ ସୀମାଠାରୁ ଧୂଳି ସ୍ତର ପ୍ରାୟ ୨୦ ଗୁଣ ବୃଦ୍ଧି ପାଇଛି। ଏହି ସୂକ୍ଷ୍ମ କଣିକା ପଦାର୍ଥଗୁଡ଼ିକୁ ମାନବ ସ୍ୱାସ୍ଥ୍ୟ ପାଇଁ ବିପଦପୂର୍ଣ୍ଣ ବୋଲି ବିବେଚନା କରାଯାଏ, ବିଶେଷକରି ଶ୍ୱାସକ୍ରିୟା ସମସ୍ୟା ଥିବା ବ୍ୟକ୍ତିମାନଙ୍କ ପାଇଁ।

ମଧ୍ୟରାତ୍ର ପରେ, ପବନର ବେଗ ପ୍ରାୟ ୩-୭ କିମି/ଘଣ୍ଟା ପର୍ଯ୍ୟନ୍ତ ବୋହିଥିଲା। ଯାହାଫଳରେ ଦୃଶ୍ୟମାନତା କମ୍ ରହିଛି। ପ୍ରଭାବିତ ସ୍ଥାନଠାରୁ ପ୍ରାୟ ୧,୨୦୦ରୁ ୧,୫୦୦ ମିଟର ମଧ୍ୟରେ ଅସ୍ଥିର ରହିଛି। ଦୃଶ୍ୟମାନତାରେ ଏହି ତୀବ୍ର ହ୍ରାସ କେବଳ ସଡ଼କ ଯାତାୟାତ ପାଇଁ ବିପଦ ସୃଷ୍ଟି କରେ ନାହିଁ ବରଂ ଆସ୍ଥମା ଭଳି ଶ୍ୱାସକ୍ରିୟା ରୋଗରେ ପୀଡିତ ଲୋକଙ୍କ ପାଇଁ ଏକ ଗମ୍ଭୀର ବିପଦ ସୃଷ୍ଟି କରେ।

ଭାରତୀୟ ପାଣିପାଗ ବିଭାଗ (ଆଇଏମ୍‌ଡି) ହଠାତ୍ ପରିବେଶଗତ ପରିବର୍ତ୍ତନ ପଛର କାରଣ ବ୍ୟାଖ୍ୟା କରିଛି। ଆଇଏମ୍‌ଡି ଅନୁଯାୟୀ, ରାତି ୧୦.୦୦ ରୁ ରାତି ୧୧.୩୦ ମଧ୍ୟରେ ଇନ୍ଦିରାଗାନ୍ଧୀ ବିମାନବନ୍ଦର ନିକଟବର୍ତ୍ତୀ ପାଲମ ଅଞ୍ଚଳରେ ପ୍ରବଳ ଧୂଳିପୂର୍ଣ୍ଣ ପବନ ବହିଥିଲା। ଯାହା ଦୃଶ୍ୟମାନତାକୁ ୪,୫୦୦ ମିଟରରୁ ମାତ୍ର ୧,୨୦୦ ମିଟରକୁ ହ୍ରାସ କରିଥିଲା।