ନୂଆଦିଲ୍ଲୀ: ରୋଷେଇ କଲେ ଦିଲ୍ଲୀ ମୁଖ୍ୟମନ୍ତ୍ରୀ । ପିଲାଙ୍କ ପାଇଁ ହୋଇଥିବା ଡାଲମାକୁ ନିଜେ ଚାଖିଲେ ମୁଖ୍ୟମନ୍ତ୍ରୀ ରେଖା ଗୁପ୍ତା । ହୋଲି ଅବସରରେ ଆଶା କିରଣ ଦିବ୍ୟାଙ୍ଗ ଆଶ୍ରମ ପରିଦର୍ଶନ କରି ପିଲାଙ୍କ ସହ ହୋଲି ଖେଳିଛନ୍ତି ମୁଖ୍ୟମନ୍ତ୍ରୀ । ତାସହ ଖାଦ୍ୟର ମାନ ମଧ୍ୟ ଯାଞ୍ଚ କରିଛନ୍ତି । 

Advertisment

ଗତକାଲି ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା କୁନିକୁନି ପିଲାଙ୍କ ସହ ହୋଲି ଖେଳିଛନ୍ତି । ଆଶା କିରଣ ସେଲ୍ଟର ହୋମକୁ ଯାଇ ସେଠାରେ ଥିବା ବାପାଛେଉଣ୍ଡ ପିଲାଙ୍କ ସହ ରଙ୍ଗର ପର୍ବ ପାଳିଛନ୍ତି । ଏଥିସହ ଦିଲ୍ଲୀବାସୀଙ୍କୁ ହୋଲି ଉପଲକ୍ଷେ ଶୁଭେଚ୍ଛା ଜଣାଇଛନ୍ତି । ସୁରକ୍ଷିତ ରହି ବହୋଲି ଖେଳିହା ସହ, ରଙ୍ଗ ପାଇଁ ଯେମିତି ପାଣି ନଷ୍ଟ ନହୁଏ ସେଥିପାଇଁ ଧ୍ୟାନ ଦେବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି ।

ତେବେ ଦିବ୍ୟାଙ୍ଗ ପିଲାଙ୍କ ସହ ସମୟ ଅତିବାହିତ କରି ମୁଖ୍ୟମନ୍ତ୍ରୀ ରେଖା କହିଛନ୍ତି, ଆଜି ଆଶା କିରଣ ବୌଦ୍ଧିକ ଦିବ୍ୟାଙ୍ଗ ଆଶ୍ରୟ ଗୃହ ଯାଞ୍ଚ କରି ସେଠାରେ ଥିବା ସୁବିଧା ଯାଞ୍ଚ କଲି । ଏହି ସମୟ ମଧ୍ୟରେ, ମୁଁ ଦିବ୍ୟାଙ୍ଗ ପିଲାମାନଙ୍କୁ ଭେଟିବାର ମୁହୂର୍ତ୍ତଟେ ପାଇଲି । ଏହି ଦିବ୍ୟାଙ୍ଗ ପିଲାମାନଙ୍କର ଉଜ୍ଜ୍ୱଳ ଭବିଷ୍ୟତ ପାଇଁ ଆମେ ପୂର୍ଣ୍ଣ ପ୍ରତିବଦ୍ଧତା ସହିତ କାର୍ଯ୍ୟ ଜାରି ରଖିବୁ । ସମାଜର ପ୍ରତିଟି ପିଲା ସ୍ନେହ ଏବଂ ଆତ୍ମ ସମ୍ମାନ ପାଇବା ଉଚିତ୍, ଏହା ହେଉଛି ଆମର ସଂକଳ୍ପ ।