ନମାଜ ପଢ଼ୁଥିବା ଯୁବକଙ୍କୁ ମାଡ଼ ମାରି ନିଲମ୍ବିତ ହେଲେ ପୁଲିସକର୍ମୀ

ନୂଆଦିଲ୍ଲୀ: ନମାଜ ପଢ଼ୁଥିବା ବେଳେ ଯୁବକଙ୍କୁ ମାଡ଼ ମାରିବା ପଡ଼ିଲା ମହଙ୍ଗା | କାର୍ଯ୍ୟରୁ ନିଲମ୍ବିତ ହେଲେ ପୁଲିସକର୍ମୀ | ଜାତୀୟ ରାଜଧାନୀ ଦିଲ୍ଲୀର ଇନ୍ଦ୍ରଲୋକ ଅଞ୍ଚଳରେ ଘଟିଛି ଏଭଳି ଘଟଣା | ଘଟଣାର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଜଣେ ପୁଲିସକର୍ମୀ ରାସ୍ତା କଡ଼ରେ ନମାଜ ପଢ଼ୁଥିବା ବ୍ୟକ୍ତିଙ୍କ ସହିତ ଅପମାନଜନକ ଆଚରଣ କରୁଛନ୍ତି | ମାଡ଼ ମାରିବା ସହିତ ଗାଳି ମଧ୍ୟ ଦେଉଛନ୍ତି | ଏହି ଘଟଣାର ଭିଡିଓ ଭାଇରାଲ ହେବା ପରେ କଂଗ୍ରେସ ନେତାମାନେ ବିଜେପିକୁ ଟାର୍ଗେଟ କରିବା ଆରମ୍ଭ କରିଛନ୍ତି |

नमाज़ पढ़ते हुए व्यक्ति को लात मारता हुआ ये @DelhiPolice का जवान शायद इंसानियत के बुनियादी उसूल नहीं समझता, ये कौन सी नफ़रत है जो इस जवान के दिल में भरी है, दिल्ली पुलिस से अनुरोध है कि इस जवान के खिलाफ़ उचित धाराओं में मुक़दमा दर्ज करिये और इसकी सेवा समाप्त करिये। pic.twitter.com/SjFygbQ5Ur

— Imran Pratapgarhi (@ShayarImran) March 8, 2024

କଂଗ୍ରେସ ସାଂସଦ ଇମ୍ରାନ ପ୍ରତାପଗଢି ଏହି ଭିଡିଓକୁ 'ଏକ୍ସ'ରେ ସେୟାର କରି ଲେଖିଛନ୍ତି, "ନମାଜ ପଢ଼ୁଥିବା ବ୍ୟକ୍ତିଙ୍କୁ ଗୋଇଠା ମାରୁଥିବା ଏହି ଦିଲ୍ଲୀ ପୁଲିସକର୍ମୀ ବୋଧହୁଏ ମାନବିକତାର ମୌଳିକ ନୀତିଗୁଡିକ ଜାଣନ୍ତି ନାହିଁ | ଏହି ପୁଲିସକର୍ମୀଙ୍କ ମନରେ ଏତେ ଘୃଣା କ'ଣ ପାଇଁ? ଦିଲ୍ଲୀ ପୁଲିସକୁ ଅନୁରୋଧ କରୁଛି ଯେ, ଏହି ପୁଲିସକର୍ମୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ | ଉପଯୁକ୍ତ ବିଭାଗ ଅଧୀନରେ ତାଙ୍କ ବିରୋଧରେ ମାମଲା ରୁଜୁ କରି ତାଙ୍କର ସେବା ବନ୍ଦ କରନ୍ତୁ।