ଅଦାଲତରୁ ମିଳିଲା ଅନୁମତି : ବ୍ୟବସାୟ ପାଇଁ ବିଦେଶ ଯାଇ ପାରିବେ ରବର୍ଟ ଭଦ୍ରା
ନୂଆଦିଲ୍ଲୀ : ଶୁକ୍ରବାର ଦିଲ୍ଲୀ ଅଦାଲତ ବ୍ୟବସାୟୀ ରବର୍ଟ ଭଦ୍ରାଙ୍କ ଉପରେ ଲାଗିଥିବା ପ୍ରତିବନ୍ଧକ ହଟାଇଛନ୍ତି । ବ୍ୟବସାୟ ସହ ଜଡ଼ିତ କାମ ପାଇଁ ରବର୍ଟ ଭଦ୍ରା ବିଦେଶ ଯାଇ ପାରିବେ ବୋଲି ଅନୁମତି ଦେଇଛନ୍ତି ଦିଲ୍ଲୀ ଅଦାଲତ । ସେପ୍ଟେମ୍ବର ୨୧-ଅକ୍ଟୋବର ୮ପର୍ଯ୍ୟନ୍ତ ସ୍ପେନ୍ ଯିବା ପାଇଁ ରବର୍ଟ ଭଦ୍ରାଙ୍କୁ ଅନୁମତି ଦେବା ସହ ଏଭଳି ରାୟ ଶୁଣାଇଥିଲେ ସ୍ୱତନ୍ତ୍ର ବିଚାରପତି ଅରବିନ୍ଦ କୁମାର ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବେଆଇନ୍ ଅର୍ଥ କାରବାର ଅଭିଯୋଗରେ ରବର୍ଟ ଭଦ୍ରା ଫସିଥିବା ବେଳେ ଏବେ ତାଙ୍କୁ ଅଗ୍ରିମ ଜାମିନ୍ ମିଳିଛି । ଅଦାଲତର ଅନୁମତି ବିନା ସେ ଦେଶ ବାହାରକୁ ଯାଇ ପାରିବେ ନାହିଁ ବୋଲି ସର୍ତ୍ତ ରଖାଯାଇ ତାଙ୍କୁ ଗିରଫ କରାଯାଇ ନାହିଁ । ତେବେ ଗତ ଜୁନ୍ ମାସରେ ରବର୍ଟ ଭଦ୍ରା ନିଜର ଚିକିତ୍ସା ବିଦେଶରେ କରିବାକୁ ଚାହୁଁଥିବା ବେଳେ ଅଦାଲତ ପକ୍ଷରୁ ତାଙ୍କୁ ୬ମାସ ପାଇଁ ବିଦେଶ ଯିବାକୁ ଅନୁମତି ମିଳିଥିଲା ।