ଦିଲ୍ଳୀ ନିର୍ବାଚନ: କଂଗ୍ରେସ ଜାରି କଲା ଇସ୍ତହାର ପତ୍ର, ବେରୋଜଗାର ଯୁବକଙ୍କୁ ୫୦୦୦ରୁ ୭,୫୦୦ ପର୍ଯ୍ୟନ୍ତ ବେକାରି ଭତ୍ତା
ନୂଆଦିଲ୍ଳୀ: ପାଖେଇ ଆସୁଛି ଦିଲ୍ଲୀ ବିଧାନସଭା ନିର୍ବାଚନ । ଭୋଟ୍ ପାଇଁ ଚାଲିଛି କସରତ । ନିର୍ବାଚନ ପାଇଁ ଏବେଠାରୁ ରାଜନୀତି ଉଷ୍ମ ହେବାରେ ଲାଗିଲାଣି । ନିର୍ବାଚନ ପାଖେଇ ଆସୁଥିବା ବେଳେ କୌଣସି ମୌକାକୁ ହାତଛଡା କରିବାକୁ ଚାହୁଁନାହାନ୍ତି ନେତା । ପ୍ରମୁଖ ରାଜନୈତିକ ଦଳ ଗୁଡ଼ିକ ଦିଲ୍ଲୀ ଅକ୍ତିଆର କରିବା ପାଇଁ ଜନତାଙ୍କ ନିକଟରତର ହେବାକୁ ଚେଷ୍ଟା କରୁଛନ୍ତି । ଆମ ଆଦମି ପାର୍ଟି ଓ ବିଜେପି ପରେ ଆଜି କଂଗ୍ରେସ ପକ୍ଷରୁ ଦିଲ୍ଲୀ ନିର୍ବାଚନ ପାଇଁ ଇସ୍ତହାର ପତ୍ର ଜାରି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ମାନିଫେଷ୍ଟୋ ଅନୁସାରେ ୩୦୦ ୟୁନିଟ୍ ମାଗଣା ବିଜୁଳି ସମେତ ବିଳୁଳି ବଂଚାଇଲେ କ୍ୟାସବ୍ୟାକ୍ ଦେବା ପାଇଁ ପ୍ରତିଶ୍ରୁତି ଦିଆଯାଇଛି । ବେକାର ଯୁବବର୍ଗଙ୍କୁ ମାସିକ ବେରୋଜଗାରୀ ଭତ୍ତା ଦେବାକୁ ମଧ୍ୟ ଘୋଷଣା ହୋଇଛି । ଗ୍ରାଜୁଏଟଙ୍କୁ ମାସିକ ୫ ୦୦୦ ଟଙ୍କା ଏବଂ ପୋଷ୍ଟ ଗ୍ରାଜୁଏଟ୍ ବେକାର ଯୁବବର୍ଗଙ୍କୁ ମାସିକ ୭୫୦୦ ଟଙ୍କା ଭତ୍ତା ଦେବାକୁ ଇସ୍ତହାର ପତ୍ରରେ କୁହାଯାଇଛି । କେବଳ ଏତିକି ନୁହେଁ ରାଜଧାନୀ ଦିଲ୍ଲୀରେ ୧୦୦ ଇନ୍ଦିରା କ୍ୟାଣ୍ଟିନ୍ ଖୋଲିବା ପାଇଁ ପ୍ରତିଶ୍ରୁତି ଦିଆଯାଇଛି । ଏହି କ୍ୟାଣ୍ଟିନରେ ମାତ୍ର ୧୫ ଟଙ୍କାରେ ମିଳିବ ମିଲ୍ । ଆଉ ସବୁଠାରୁ ବଡ଼ କଥା ହେଲା ମହିଳାମାନେ ଚଳାଇବେ ଏହି କ୍ୟାଣ୍ଟିନ୍ ।