ନୂଆଦିଲ୍ଲୀ: ଦେଶରେ ଯୁବପିଢ଼ିଙ୍କ ପାଇଁ ଚାକିରି ସମସ୍ୟା ଏବେ ଜଟିଳ ରୂପ ଧାରଣ କରିଥିବା ବେଳେ ଦିଲ୍ଲୀ ଆଇଆଇଟିରେ କିନ୍ତୁ ଏହାର ସମ୍ପୂର୍ଣ୍ଣ ବିପରୀତ ଅବସ୍ଥା ଦେଖିବାକୁ ମିଳିଛି | କାରଣ ଏଠାକାର ଛାତ୍ରଛାତ୍ରୀଙ୍କ ପାଇଁ ଏବେ ଚାକିରିର ସୁଅ ଛୁଟିବାରେ ଲାଗିଛି | ଆଇଆଇଟି ଦିଲ୍ଲୀରେ ଡିସେମ୍ବର ୧ ତାରିଖରୁ ଆରମ୍ଭ ହୋଇଥିବା ପ୍ଲେସମେଣ୍ଟର ପ୍ରଥମ ୫ ଦିନରେ ଛାତ୍ରଛାତ୍ରୀଙ୍କୁ ୭୦୦ରୁ ଅଧିକ ଚାକିରି ଅଫର ମିଳିଛି | ପାଞ୍ଚ ଦିନରେ ଏହି ପ୍ଲେସମେଣ୍ଟରେ ସ୍ନାତକ, ସ୍ନାତକୋତ୍ତର ଓ ପିଏଚଡି ପାଠ୍ୟକ୍ରମର ଛାତ୍ରଛାତ୍ରୀଙ୍କୁ ନିଜ କମ୍ପାନୀରେ ନିଯୁକ୍ତି ଦେବା ପାଇଁ ଦେଶବିଦେଶର ବହୁ ଖ୍ୟାତନାମା କମ୍ପାନୀ ଏହି କ୍ୟାମ୍ପସକୁ ଆସିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ସମୁଦାୟ ୭୮୨ଟି ଚାକିରିର ପ୍ରସ୍ତାବ ମିଳିଥିବାବେଳେ ଦେଶ ଭିତରୁ ୭୬୭ଟି ଚାକିରି ଅଫର ମିଳିଥିବାବେଳେ ଅନ୍ତର୍ଜାତୀୟ ସ୍ତରର କମ୍ପାନୀ ମାନେ ୧୫ଟି ଚାକିରି ଅଫର ଦେଇଛନ୍ତି |
ଆଇଆଇଟି ଦିଲ୍ଲୀର ନିର୍ଦ୍ଦେଶକ ରାମ ଗୋପାଳ ରାଓ କହିଛନ୍ତି ଯେ ଏହି ଶିକ୍ଷାନୁଷ୍ଠାନର ଶୈକ୍ଷିକ ବାତାବରଣ ସାଙ୍ଗକୁ ଛାତ୍ରଛାତ୍ରୀଙ୍କୁ ଭରପୂର ସୁଯୋଗ ହିଁ ଛାତ୍ରଛାତ୍ରୀଙ୍କୁ ସଫଳ କରାଇପାରୁଛି | ସେଥିପାଇଁ ଛାତ୍ରଛାତ୍ରୀମାନଙ୍କୁ ନିଜ କମ୍ପାନୀରେ ଚାକିରି ଦେବାପାଇଁ କମ୍ପାନୀମାନେ ଭିଡ ଜମାଉଛନ୍ତି | ଏହି ଶିକ୍ଷାନୁଷ୍ଠାନ ନିଯୁକ୍ତିଦାତାଙ୍କ ପ୍ରଥମ ପସନ୍ଦ ପାଲଟିଛି | ଏଠାରେ ସୂଚନା ଥାଉ କି ଡିସେମ୍ବର ପହିଲାରୁ ଆରମ୍ଭ ହୋଇଥିବା ଏହି ପ୍ଲେସମେଣ୍ଟ କାର୍ଯ୍ୟକ୍ରମ ମେ ୨୦୨୦ ଯାଏଁ ଚାଲିବ |