ଦିଲ୍ଲୀ ଅବକାରୀ ଦୁର୍ନୀତି : ବଢିଲା ମନୀଶଙ୍କ ଅଡ଼ୁଆ, ରାଜସାକ୍ଷୀ ହେବାକୁ ରାଜି ହେଲା ସହଯୋଗୀ ଦିନେଶ ଆରୋରା
ନୂଆଦିଲ୍ଲୀ : ଦିଲ୍ଲୀ ଅବକାରୀ ଦୁର୍ନୀତିର ତଦନ୍ତ କରୁଥିବା ସିବିଆଇକୁ ଏକ ବଡ଼ ସଫଳତା ମିଳିଛି । ଏହି ମାମଲାରେ ସହ ଅଭିଯୁକ୍ତ ଥିବା ଦିନେଶ ଆରୋରା ସାକ୍ଷୀ ହେବାକୁ ରାଜି ହୋଇଯାଇଛନ୍ତି । ଏହା ଫଳରେ ଉପମୁଖ୍ୟମନ୍ତ୍ରୀ ତଥା ମୁଖ୍ୟ ଅଭିଯୁକ୍ତ ମନୀଷ ସିସୋସିଆଙ୍କ ଅଡ଼ୁଆ ବଢିବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଆରୋରା କହିଛନ୍ତି ଯେ ସେ ସିଆରପିସି (ଦଣ୍ଡ ପ୍ରକ୍ରିୟା ସଂହିତା)ର ଧାରା ୧୬୪ ଅନୁସାରେ ସେ ନିଜର ବୟାନ ରେକର୍ଡ କରିଛନ୍ତି । ଏହି ମାମଲା ସଂପର୍କିତ ସବୁ ପ୍ରକାରର ତଥ୍ୟ ପ୍ରଦାନ କରିବେକୁ ସେ ରାଜି ହୋଇଛନ୍ତି । ଏହା ସହିତ ସେ କ୍ଷମା ପ୍ରଦାନ ପାଇଁ ଆବେଦନ କରିଛନ୍ତି । ଏହି କ୍ଷମା ଆବେଦନ ଉପରେ ଦିଲ୍ଲୀର ଏକ କୋର୍ଟ ନଭେମ୍ବର ୧୪ରେ ନିଷ୍ପତ୍ତି ନେବେ ।
କିଛିଦିନ ପୂର୍ବେ ଦିଲ୍ଲୀ କୋର୍ଟ ଏହି ମାମଲାରେ ଦିନେଶଙ୍କୁ ଆଗୁଆ ଜାମିନ ଦେଇଥିଲେ ଓ ଏ ସଂପର୍କିତ ଶୁଣାଣି ବେଳେ ସିବିଆଇ ବିରୋଧ କରି ନଥିଲା ।
ମନୀଷ ସିସୋଦିଆ ଅବକାରୀ ନୀତିକୁ ଏପରି ଭାବେ ପ୍ରସ୍ତୁତ କରିଥିଲେ ଯେ ମଦଲାଇସେନ୍ସ ପ୍ରଦାନ ପାଇଁ ଉପରାଜ୍ୟପାଳଙ୍କ ଅନୁମୋଦନ ଆବଶ୍ୟକ ପଡ଼ିବ ନାହିଁ ବୋଲି ସିବିଆଇ ଅଭିଯୋଗ କରିଛି । ଏହି ନୀତି ଗତ ବର୍ଷ ନଭେମ୍ବର ମାସରେ ଆଗତ ହୋଇଥିଲା ଓ ଉପ-ରାଜ୍ୟପାଳ ଭି.ଆର.ସାକ୍ସେନାଙ୍କ ଦ୍ବାରା ସିବିଆଇ ତଦନ୍ତ ନିର୍ଦ୍ଦେଶ ପରେ ଚଳିତ ବର୍ଷ ଜୁଲାଇ ମାସରେ ଏହାକୁ ଦିଲ୍ଲୀ ସରକାର ପ୍ରତ୍ୟାହାର କରିନେଇଥିଲେ । ଗତ ଅଗଷ୍ଟ ମାସରେ ସିବିଆଇ ସିସୋଦିଆଙ୍କ ବାସଭବନ ଓ ଅଫିସରେ ଚଢଉ କରିଥିଲା ।