ପୁଣି ଥରିଲା ଦିଲ୍ଲୀ: ରିକ୍ଟର ସ୍କେଲରେ ୨.୧ ତୀବ୍ରତାର ଭୂକମ୍ପ ଅନୁଭୂତ
ନୂଆଦିଲ୍ଲୀ: ଗତ ଦୁଇ ମାସ ମଧ୍ୟରେ ଦିଲ୍ଲୀରେ ଅନେକ ଥର ଭୂକମ୍ପ ଅନୁଭୂତ ହୋଇଥିବା ବେଳେ ଆଜି ପୁଣି ଦିଲ୍ଲୀରେ ଭୂକମ୍ପ ଅନୁଭୂତ ହୋଇଛି | ରିକ୍ଟର ସ୍କେଲରେ ଏହାର ତୀବ୍ରତା ୨.୧ ଥିବା ନେଇ ଭାରତ ପାଣିପାଗ ବିଭାଗ (ଆଇଏମଡି) ପକ୍ଷରୁ କୁହାଯାଇଛି | ତୀବ୍ରତା କମ ଥିବାରୁ କୌଣସି କ୍ଷୟକ୍ଷତି ବା କାହାର ଜୀବନହାନୀ ହୋଇନଥିବା ଜଣା ପଡିଛି | ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ, ମଧ୍ୟାହ୍ନ ୧ଟା ସମୟରେ ଏହି ଭୂକମ୍ପ ଘଟିଛି। ଏହି ଭୂକମ୍ପର କେନ୍ଦ୍ର ଦିଲ୍ଲୀ-ଗୁରୁଗାଓଁ ସୀମାର ୧୮ କିଲୋମିଟର ଗଭୀରରେ ଥିଲା ବୋଲି ଜଣା ପଡିଛି।
Sambad is now on WhatsApp
Join and get latest news updates delivered to you via WhatsApp
ତୀବ୍ରତା କମ ଥିଲେ ମଧ୍ୟ ଏପ୍ରିଲଠାରୁ ଦିଲ୍ଲୀରେ ୧୪ଟି ମୃଦୁ ଭୂମିକମ୍ପ ହୋଇସାରିଛି | ଏତେ ଥର ଭୂକମ୍ପ ଅନୁଭୂତ ହେଉଥିବାରୁ ଦିଲ୍ଲୀ ବାସୀଙ୍କ ମନରେ ବଡ ଧରଣର ଭୂକମ୍ପ ହେବା ନେଇ ଆଶଙ୍କା ସୃଷ୍ଟି ହୋଇଛି | ଦିଲ୍ଲୀରେ ଦିନକୁ ଦିନ କରୋନା ମାମଲା ବଢୁଥିବା ବେଳେ ବାରମ୍ବାର ଭୂମିକମ୍ପ ହେବା ନେଇ ଲୋକଙ୍କ ମନରେ ଭୟ ସୃଷ୍ଟି କରିଛି |