ଦିଲ୍ଲୀ ମହାନଗର ନିଗମ ଯାଇପାରେ ‘ଆପ୍’ ହାତକୁ, ବ୍ୟାକଫୁଟରେ ବିଜେପି
ନୂଆଦିଲ୍ଲୀ: ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନ ନେଇ ଏକଜିଟ୍ ପୋଲ୍ ପ୍ରକାଶ ପାଇଛି। ଜାତୀୟ ଗଣମାଧ୍ୟମ ‘ଆଜତକ୍’ ଓ ‘ଟାଇମ୍ସ ନାଓ’ ପକ୍ଷରୁ ସଂଗ୍ରହ କରାଯାଇଥିବା ବୁଥ୍ ବାହୁଡ଼ା ମତ ଅନୁସାରେ ଆମ୍ ଆଦମୀ ପାର୍ଟି ଦିଲ୍ଲୀ ମହାନଗର ନିଗମରେ ଏକ ବଡ ବିଜୟ ଦିଗକୁ ଯାଉଛି। ଯଦି ଏକଜିଟ୍ ପୋଲ୍ ଫଳାଫଳକୁ ବିଶ୍ବାସ କରାଯାଏ ତେବେ ଦିଲ୍ଲୀର ନଗର ପରିଚାଳନା ଏକ ପ୍ରକାର ଆପ୍ ହାତକୁ ଯିବା ନିଶ୍ଚିତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନ ପୂର୍ବରୁ ‘ଆଜତକ୍’ର ଏକଜିଟ୍ ପୋଲ୍ ଅନୁଯାୟୀ ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି ବଡ଼ ବିଜୟ ହାସଲ କରିବ। ଆଜି ସନ୍ଧ୍ୟା ପର୍ଯ୍ୟନ୍ତ ହୋଇଥିବା ଏକଜିଟ୍ ପୋଲରେ, ଆମ୍ ଆଦମୀ ପାର୍ଟିକୁ ଦିଲ୍ଲୀ ମ୍ୟୁନିସିପାଲିଟି କର୍ପୋରେସନ୍ ନିର୍ବାଚନରେ ୨୫୦ରୁ ୧୪୯ରୁ ୧୭୧ ୱାର୍ଡ ଜିତିବାକୁ ନେଇ ଆକଳନ କରାଯାଇଛି। ‘ଟାଇମ୍ସ ନାଓ’ର ଏକଜିଟ୍ ପୋଲରେ ଆପ୍ ୧୪୬ରୁ ୧୫୬ଟି ସିଟ୍ ପାଇବାକୁ ଯାଉଥିବା କୁହାଯାଇଛି। ‘ଆଜତକ୍‘ର ଏକଜିଟ୍ ପୋଲ୍ ବିଜେପି ୬୯ରୁ ୯୧ ୱାର୍ଡରେ ଜିତିବ ବୋଲି ପୂର୍ବାନୁମାନ କରିଥିବା ବେଳେ ଟାଇମ୍ ନାଓ ୮୪ ରୁ ୯୪ ୱାର୍ଡରେ ଦଳ ଜିତିବ ବୋଲି ପୂର୍ବାନୁମାନ କରିଛି।
ଉଭୟ ଚ୍ୟାନେଲର ଏକଜିଟ୍ ପୋଲ୍ କଂଗ୍ରେସ ଦଳର ଅବସ୍ଥା ଅତ୍ୟନ୍ତ ଖରାପ ବୋଲି ପୂର୍ବାନୁମାନ କରିଛି। ଉଭୟ ଚ୍ୟାନେଲର ଆକଳନ ଅନୁଯାୟୀ କଂଗ୍ରେସ ୧୦ କିମ୍ବା କମ୍ ୱାର୍ଡରେ ଜିତିବ ବୋଲି ଆଶା କରାଯାଉଛି। ଏକଜିଟ୍ ପୋଲର ଆକଳନ ନିଶ୍ଚିତ କରିଛି ଯେ ଦୁର୍ନୀତି ନିବାରଣ ପାଇଁ ଆମ୍ ଆଦମୀ ପାର୍ଟି ସଂଯୋଜକ ଅରବିନ୍ଦ କେଜ୍ରିୱାଲଙ୍କ ବାର୍ତ୍ତା ଭୋଟରଙ୍କୁ ପ୍ରଭାବିତ କରିଛି।