ପରୀକ୍ଷାମୂଳକ ଭାବେ ଦିଲ୍ଲୀ ମେଟ୍ରୋ ସେବା ପୁଣି ଆରମ୍ଭ ହେବା ଉଚିତ, ଖୁବ୍ ଶୀଘ୍ର ନିଷ୍ପତ୍ତି ନେବେ କେନ୍ଦ୍ର ସରକାର: ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍

ନୂଆଦିଲ୍ଲୀ: କୋଭିଡ୍-୧୯ ପରିସ୍ଥିତିରେ ଉନ୍ନତି ପରିଲକ୍ଷିତ ହେଉଥିବାରୁ ଦିଲ୍ଲୀରେ ମେଟ୍ରୋ ଟ୍ରେନ୍ ସେବା ପରୀକ୍ଷାମୂଳକଭାବେ ପୁଣି ଆରମ୍ଭ ହୋଇପାରେ ବୋଲି ରବିବାର ଦିନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍ କହିଛନ୍ତି। ଏ ସଂକ୍ରାନ୍ତରେ କେନ୍ଦ୍ର ସରକାର ଯଥାଶୀଘ୍ର ନିଷ୍ପତ୍ତି ଗ୍ରହଣ କରିବେ ବୋଲି ସେ ଆଶାବ୍ୟକ୍ତ କରିଛନ୍ତି।

‘ଡିଜିଟାଲ୍‌ ସମ୍ବନ୍ଧ’ରେ ସହରର ଉଦ୍ୟୋଗୀ ଓ ବ୍ୟବସାୟୀଙ୍କ ସହ କଥାବାର୍ତ୍ତା କରିବା ବେଳେ ମୁଖ୍ୟମନ୍ତ୍ରୀ କେଜ୍ରିୱାଲ୍ କହିଲେ ଯେ, କେନ୍ଦ୍ର ସରକାରଙ୍କ ନିକଟରେ ଏ ପ୍ରସଙ୍ଗ ଅନେକ ଥର ଉତ୍ଥାପନ କରାଯାଇଛି। ଆଶା, ଯଥାଶୀଘ୍ର ଏ ବିଷୟରେ ନିଷ୍ପତ୍ତି ଗ୍ରହଣ କରାଯିବ।

Image Courtesy of India.com

ସେ କହିଲେ, ଦିଲ୍ଲୀକୁ ପୃଥକ୍ ଭାବେ ବିଚାର କରାଯିବା ଉଚିତ ବୋଲି ମୁଁ କେନ୍ଦ୍ର ସରକାରଙ୍କୁ ଅନୁରୋଧ କରିଛି। ଦିଲ୍ଲୀରେ କରୋନାଭାଇରସ୍ ପରିସ୍ଥିତି ସୁଧୁରୁଛି। ଯଦି ସେମାନେ ଅନ୍ୟ ସହରମାନଙ୍କରେ ମେଟ୍ରୋ ଟ୍ରେନ୍ ଚଳାଇବାକୁ ନ ଚାହାଁନ୍ତି, ଦିଲ୍ଲୀରେ ଚଳାନ୍ତୁ। କିନ୍ତୁ, ଦିଲ୍ଲୀ ମେଟ୍ରୋ ଟ୍ରେନ୍ ସେବା ପର୍ଯ୍ୟାୟକ୍ରମେ ପରୀକ୍ଷାମୂଳକ ଭାବେ ଆରମ୍ଭ ହେବା ଉଚିତ। ଆମେ କେନ୍ଦ୍ର ସରକାରଙ୍କ ଠାରେ ଅନେକ ଥର ଏ କଥା ଉଠାଇଛୁ, ମୋର ଆଶା କେନ୍ଦ୍ର ସରକାର ଏ ସଂକ୍ରାନ୍ତରେ ଯଥାଶୀଘ୍ର ନିଷ୍ପତ୍ତି ଗ୍ରହଣ କରିବେ।

ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ଚାନ୍ଦନୀ ଚୌକ୍ ପୁନଃବିକାଶ ପ୍ରକଳ୍ପ ଧାରାରେ ଦିଲ୍ଲୀ ବଜାର ଓ ରାସ୍ତା ସବୁର ସୌନ୍ଦର୍ଯ୍ୟକରଣ ହେବ। ଦିଲ୍ଲୀର ବିଭିନ୍ନ ବଜାରରୁ ଅଟୋମେଟିଭ୍ ଯନ୍ତ୍ରାଂଶ, ନିର୍ମାଣ କ୍ଷେତ୍ର, ପ‌ୋଷାକ ଓ ବସ୍ତ୍ର, ଇଭେଣ୍ଟ୍‌ ମ୍ୟାନେଜ୍‌ମେଣ୍ଟ୍‌ ଭଳି ଉଦ୍ୟୋଗୀ ଓ ବ୍ୟବସାୟୀମାନେ ସେମାନଙ୍କର ସମସ୍ୟା ଜଣାଇବା ସହ ମୁଖ୍ୟମନ୍ତ୍ରୀଙ୍କୁ ଏ ସବୁର ପ୍ରତିକାର ନିମନ୍ତେ ପ୍ରସ୍ତାବମାନ ଦେଇଥିଲେ। ମୁଖ୍ୟମନ୍ତ୍ରୀ କହିଲେ କି, ସେମାନଙ୍କର ପ୍ରସ୍ତାବଗୁଡ଼ିକୁ ନୋଟ୍‌ କରାଗଲା ଏବଂ ଆବଶ୍ୟକ ପଦକ୍ଷେପ ନିମନ୍ତେ ବିଚାର କରାଯିବ।

 

 

ସମ୍ବନ୍ଧିତ ଖବର

Comments are closed.