ନୂଆଦିଲ୍ଲୀ : ଶାନ୍ତିପୂର୍ଣ୍ଣ ଶୋଭାଯାତ୍ରା ପାଇଁ କୃଷକନେତା ମାନେ ଦେଇଥିବା ପ୍ରତିଶ୍ରୁତିକୁ ଭଙ୍ଗ କରିବା ସହ ଉତ୍ତେଜନା ସୃଷ୍ଟିକାରୀ ଭାଷଣ ଦେଇଥିଲେ ବୋଲି ଦିଲ୍ଲୀ ପୁଲିସ କହିଛି । ଏହି ହିଂସାରେ ସଂପୃକ୍ତ ଲୋକମାନଙ୍କ ଚିହ୍ନଟ କରାଯାଉଛି ଓ ଦୋଷୀମାନଙ୍କୁ ଛଡ଼ାଯିବ ନାହିଁ । ଏହି ମାମଲାରେ ଏପର୍ଯ୍ୟନ୍ତ ୧୯ ଜଣଙ୍କୁ ଗିରଫ କରାଯାଇଛି ଓ ପ୍ରାୟ ୫୦ଜଣଙ୍କୁ ଅଟକ ରଖି ପଚରାଉଚୁରା କରାଯାଉଛି ବୋଲି ଦିଲ୍ଲୀ ପୁଲିସ ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଦିଲ୍ଲୀରେ ହୋଇଥିବା ହିଂସାକାଣ୍ଡ ସଂପର୍କରେ ଦିଲ୍ଲୀ ପୁଲିସ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଦିଲ୍ଲୀ ପୁଲିସ କମିଶନର ଏସଏନ ଶ୍ରୀବାସ୍ତବ କହିଛନ୍ତି ଯେ ଦୋଷୀମାନଙ୍କୁ ଛଡ଼ାଯିବ ନାହିଁ । ଏହି ଘଟଣା ସଂପର୍କିତ ବିଭିନ୍ନ ଭିଡିଓ ରେକର୍ଡିଂ, ସିସିଟିଭି ଫୁଟେଜ ଆଦିର ଯାଞ୍ଚ କରାଯାଉଛି ଓ ଫେସିଆଲ ରେକଗନିସନ ପ୍ରଯୁକ୍ତି ବ୍ୟବହାର କରି ଦୋଷୀମାନଙ୍କ ଚିହ୍ନଟ କରାଯାଉଛି ।
ସେ କହିଛନ୍ତି ଯେ, ଏହି ଘଟଣାରେ ଦିଲ୍ଲୀ ପୁଲିସର ପ୍ରାୟ ୩୯୪ କର୍ମଚାରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ କେତେକ ଆଇସିୟୁରେ ଅଛନ୍ତି । ଆନ୍ଦୋଳନକାରୀମାନେ ୩୦ଟି ପୁଲିସ ଗାଡ଼ିକୁ ଭାଙ୍ଗି ଦେଇଛନ୍ତି ।
ଅନ୍ୟପକ୍ଷରେ ପାକିସ୍ତାନ ଓ ଅନ୍ୟ କେତେକ ବିଦେଶୀ ରାଷ୍ଟ୍ରରୁ ପ୍ରାୟ ୩୦୮ଟି ଟ୍ବିଟର ହାଣ୍ଡଲ ମାଧ୍ୟମରେ ଲୋକମାନଙ୍କୁ ଉତ୍ତେଜିତ କରାଯାଉଥିଲା ବୋଲି ସେ କହିଛନ୍ତି ।