ଫେବ୍ରୁଆରି ୫ ପରଠାରୁ ଦିଲ୍ଳୀରେ ନବମ ଓ ଏକାଦଶ ଛାତ୍ରଛାତ୍ରୀଙ୍କ ପାଇଁ ଶିକ୍ଷାନୁଷ୍ଠାନ ଖୋଲିବ
ନୂଆଦିଲ୍ଲୀ: ଚଳିତମାସ ୧୮ ତାରିଖରେ ୧୦ମ ଓ ଦ୍ବାଦଶ ଛାତ୍ରଛାତ୍ରୀମାନଙ୍କ ପାଇଁ ଶିକ୍ଷାନୁଷ୍ଠାନ ଖୋଲିବା ପରେ ଫେବ୍ରୁଆରି ୫ ତାରିଖ ପରଠାରୁ ରାଜ୍ୟରେ ନବମ ଓ ଏକାଦଶ ଛାତ୍ରଛାତ୍ରୀଙ୍କ ପାଇଁ ଶିକ୍ଷାନୁଷ୍ଠାନ ଖୋଲିବ ବୋଲି ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ ସୂଚନା ଦେଇଛନ୍ତି। ତା’ପରେ ପରେ କଲେଜ୍, ଡିଗ୍ରି ଓ ଡିପ୍ଲୋମା ସଂସ୍ଥାଗୁଡ଼ିକୁ ମଧ୍ୟ ଖୋଲିବାକୁ ଅନୁମତି ମିଳିବ ବୋଲି ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ସ୍କୁଲ୍ କିମ୍ବା କଲେଜ୍କୁ ଆସିବା ପୂର୍ବରୁ ସମସ୍ତ ଛାତ୍ରଛାତ୍ରୀ ସେମାନଙ୍କ ବାପାମାଆଙ୍କଠାରୁ ଅନୁମତି ଆଣିବାକୁ ବାଧ୍ୟ। ଶିକ୍ଷାନୁଷ୍ଠାନଗୁଡ଼ିକରେ ସବୁ ପ୍ରକାରର କୋଭିଡ୍-୧୯ ପ୍ରୋଟୋକଲ୍କୁ ମାନିବାକୁ କୁହାଯାଇଛି।
କରୋନା ଭାଇରସ୍ ପାଇଁ ଦୀର୍ଘ ୧୦ ମାସର ବ୍ୟବଧାନ ପରେ ୧୦ମ ଓ ଦ୍ବାଦଶ ଛାତ୍ରଛାତ୍ରୀମାନଙ୍କ ପାଇଁ ରାଜ୍ୟରେ ଶିକ୍ଷାନୁଷ୍ଠାନଗୁଡ଼ିକୁ ଖୋଲି ଦିଆଯାଇଛି। ତେବେ, କେବେ ଛାତ୍ରଛାତ୍ରୀମାନଙ୍କ ପରୀକ୍ଷା ହେବ ସେ ନେଇ ଦିଲ୍ଲୀ ସରକାର ଖୁବ୍ ଶୀଘ୍ର ଏକ ଚୂଡ଼ାନ୍ତ ଯୋଜନା ପ୍ରସ୍ତୁତ କରିବେ।
ଏହାପୂର୍ବରୁ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଥିଲେ ଯେ କୋଭିଡ -୧୯ ଟିକା ଉପଲବ୍ଧ ହେବା ପରେ ଦିଲ୍ଲୀର ସ୍କୁଲଗୁଡ଼ିକ ଖୋଲାଯିବ। ଛାତ୍ର ଓ ଶିକ୍ଷକଙ୍କ ସୁରକ୍ଷା ଦୃଷ୍ଟିରୁ ସରକାର ଏହି ନିଷ୍ପତ୍ତି ନେଇଛନ୍ତି।