ପକେଟମାରଙ୍କୁ ଗୋଡ଼ାଇ ଗୋଡ଼ାଇ ଧରିଲେ ମହିଳା, ଛୁରୀମାଡ଼ରେ ସ୍ୱାମୀ ମୃତ
ନୂଆଦିଲ୍ଲୀ: କେନ୍ଦ୍ରୀୟ ଦିଲ୍ଲୀର ପ୍ରଗତି ମୈଦାନଠାରେ ଘଟିଛି ଏକ ଅଭାବନୀୟ ଘଟଣା । ଦିଲ୍ଲୀ ସିଟି ବସରେ ଯାତ୍ରା କରୁଥିବା ସମୟରେ ଜଣେ ପକେଟମାରଠାରୁ ଜିନିଷ ବଞ୍ଚାଇବା ପାଇଁ ଯାଇ ଜଣେ ମହିଳା ଗୁରୁତର ଆହତ ହୋଇଥିବା ବେଳେ ଘଟଣାରେସ୍ଥଳରେ ତାଙ୍କ ସ୍ୱାମୀଙ୍କରମୃତ୍ୟୁ ଘଟିଛି।
Sambad is now on WhatsApp
Join and get latest news updates delivered to you via WhatsApp
ଘଟଣା ଅନୁଯାୟୀ , ଉତ୍ତରପ୍ରଦେଶର ଅମରଜିତ ତାଙ୍କ ପତ୍ନୀ ମଞ୍ଜୁ , ଭାଇ ଏବଂ ୪ ବର୍ଷର ପୁଅ ସାଙ୍ଗରେ ଦିଲ୍ଲୀ ଚିଡିଆଖାନା ଦେଖି ବସ୍ରେ ଘରକୁ ଫେରୁଥିଲେ। ଏହି ସମୟରେ ଚାରିଜଣ ଯୁବକ ଅମରଜିତଙ୍କ ମୋବାଇଲ ଚୋରି କରି ପଳାଇ ଯାଉଥିବାର ଦେଖିଥିଲେ ମଞ୍ଜୁ । ଏହାପରେ ସେ ବସ୍ ଓହ୍ଲାଇ ପଳାଉଥିବା ପକେଟମାରଙ୍କୁ ବହୁତ ସାହାସର ସହ ପ୍ରାୟ ୫୦ ମିଟର ପିଛା କରିବା ପରେ ଅଭିଯୁକ୍ତମାନଙ୍କ ମଧ୍ୟରୁ ଜଣଙ୍କୁ ଧରି ପକାଇଥିଲେ। ବାକି ୩ ଜଣ ଅଭିଯୁକ୍ତ ତାଙ୍କ ସାଥୀକୁ ମଞ୍ଜୁଙ୍କ କବଳରୁ ଛଡ଼ାଇବା ପାଇଁ ତାଙ୍କୁ ଛୁରୀରେ ଆଘାତ କରିଥିଲେ । ଏତେ ସବୁ ପରେ ମଧ୍ୟ ମଞ୍ଜୁ ତାଙ୍କୁ ଛାଡ଼ି ନଥିଲେ । ଏହାପରେ ଘଟଣାସ୍ଥଳରେ ମଞ୍ଜୁଙ୍କୁ ବଞ୍ଚାଇବା ପାଇଁ ପହଞ୍ଚିଥିଲେ ତାଙ୍କ ସ୍ୱାମୀ ଅମରଜିତ । କିନ୍ତୁ ଏହାର ଫାଇଦା ଉଠାଇ ଅମରଜିତଙ୍କ ଛାତିରେ ଛୁରୀ ଭୁସି ଦେଇଥିଲେ ଜଣେ ଅଭିଯୁକ୍ତ । ଯାହା ଫଳରେ ଘଟଣାସ୍ଥଳରେ ହିଁ ଅମରଜିତଙ୍କର ମୃତ୍ୟୁ ଘଟିଥିଲା ।
ସେଠାରେ ଉପସ୍ଥିତ ଥିବା ଲୋକେଏବଂ ପୁଲିସ କର୍ମଚାରୀଙ୍କ ସହାୟତା ଦ୍ୱାରା ୩ ଜଣ ଅଭିଯୁକ୍ତ ସୁରଜ(୨୦ ), ସୁମିତ (୨୫) ଏବଂ ଅଜିତ(୨୪)ଙ୍କୁ ଗିରଫ କରାଯାଇଛି । ତେବେ ଚତୁର୍ଥ ଅଭିଯୁକ୍ତ ବର୍ତ୍ତମାନ ପର୍ଯ୍ୟନ୍ତ ଫେରାର ରହିଛି। ତେବେ ଘଟଣାରେ ଆହତ ହୋଇଥିବା ମଞ୍ଜୁ ଚିକିତ୍ସାଧୀନ ଅଛନ୍ତି । ବର୍ତ୍ତମାନ ପୁଲିସ ଏହି ଘଟଣାର ତଦନ୍ତ କରୁଛି ବୋଲି କହିଛନ୍ତି ନୂଆଦିଲ୍ଲୀର ଡ଼େପୁଟି କମିଶନର ଅଫ ପୁଲିସ ମଧୁର ବର୍ମା ।