ଓଡ଼ିଶା ସମେତ ଅନ୍ୟ ୧୧ଟି ରାଜ୍ୟରେ ବଢୁଥିବା ସେରୋଟାଇପ୍-୨ ଡେଙ୍ଗୁ ମାମଲାକୁ ନେଇ ଗୁରୁତ୍ୱପୂର୍ଣ୍ଣ ବୈଠକ ଡକାଇଲେ କ୍ୟାବିନେଟ ସଚିବ
ନୂଆଦିଲ୍ଲୀ: ଦେଶରେ ବଢୁଥିବା ଡେଙ୍ଗୁ ଆକ୍ରାନ୍ତଙ୍କୁ ଦୃଷ୍ଟିରେ ରଖି ଶନିବାର ଦିନ କେନ୍ଦ୍ର ସରକାର ଏକ ଉଚ୍ଚ ସ୍ତରୀୟ ବୈଠକ ଡକାଇଥିଲେ । ଏହି ବୈଠକରେ ଦେଶର ୧୧ଟି ରାଜ୍ୟରେ ଡେଙ୍ଗୁ ଆକ୍ରାନ୍ତଙ୍କ ବିଷୟରେ ଆଲୋଚନା ହୋଇଥିଲା। କ୍ୟାବିନେଟ ସଚିବ ରାଜୀବ ଗୌବା ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ବରିଷ୍ଠ ଅଧିକାରୀମାନଙ୍କୁ ସେରୋଟାଇପ୍-୨ ଡେଙ୍ଗୁରେ ସୃଷ୍ଟି ହେଉଥିବା ଆହ୍ୱାନକୁ ନିୟନ୍ତ୍ରଣ କରିବାକୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଡେଙ୍ଗୁ ରୋଗୀ ଚିହ୍ନଟ, ପରୀକ୍ଷା, ମଶା ଲାର୍ଭା ନିୟନ୍ତ୍ରଣ, ରକ୍ତ ବ୍ୟାଙ୍କରେ ରକ୍ତ ଉପଲବ୍ଧତା ଇତ୍ୟାଦି ଉପରେ ଦୃଷ୍ଟି ଦେବାକୁ ସେ ନିର୍ଦ୍ଦେଶ ଦେଇଛନ୍ତି । ଏହା ସହ କେନ୍ଦ୍ର ସରକାର ରାଜ୍ୟ ସରକାରଙ୍କୁ ଡେଙ୍ଗୁ ରୋକିବା ପାଇଁ ଏକ ହେଲ୍ପଲାଇନ ନମ୍ବର ଜାରି କରିବାକୁ କହିଛନ୍ତି । ସୂଚନା ଥାଉ କି ଯେ ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ, ଗୁଜୁରାଟ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା, ରାଜସ୍ଥାନ, ତେଲେଙ୍ଗାନା, କେରଳ, କର୍ଣ୍ଣାଟକ ଭଳି ୧୧ ଟି ରାଜ୍ୟରେ ଅଧିକ ଡେଙ୍ଗୁ ରୋଗୀ ଦେଖିବାକୁ ମିଳିଛି |
ଏହାପୂର୍ବରୁ ସେପ୍ଟେମ୍ବର ୧୦ରେ ଦେଶରେ ବୃଦ୍ଧି ପାଉଥିବା ଡେଙ୍ଗୁ ରୋଗ ସମ୍ପର୍କରେ କେନ୍ଦ୍ର ରାଜ୍ୟ ସରକାରଙ୍କୁ ବିଭିନ୍ନ ନିର୍ଦ୍ଦେଶ ଦେଇଥିଲେ। ଏହା ସହିତ କେନ୍ଦ୍ର ସରକାର, ରାଜ୍ୟ ସରକାରଙ୍କୁ ବହୁ ଜନସମାଗମ ବାରଣ କରିବାକୁ ନିର୍ଦ୍ଦେଶ ଦେଇଛନ୍ତି |