ଅଶ୍ୱିନୀଙ୍କୁ ଇସ୍ତଫା ମାଗୁଥିବା ବିରୋଧୀ ଦଳଙ୍କୁ ଟାର୍ଗେଟ କଲେ ପୂର୍ବତନ ପ୍ରଧାନମନ୍ତ୍ରୀ ଦେବେଗୌଡା
ନୂଆଦିଲ୍ଲୀ: ବାଲେଶ୍ୱର ବାହାନଗାରେ ରେଳ ଦୁର୍ଘଟଣା ପରେ କଂଗ୍ରେସ ପରି ଏବେ କିଛି ବିରୋଧୀ ଦଳ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଇସ୍ତଫା ମାଗୁଛନ୍ତି | କଂଗ୍ରେସର କହିବା କଥା ଯେ ଏହି ରେଳ ଦୁର୍ଘଟଣା ଏକ ମନୁଷ୍ୟକୃତ ବିପତ୍ତି। ରେଳ ମନ୍ତ୍ରୀଙ୍କ ଅପାରଗତା ଯୋଗୁଁ ଶହ ଶହ ଯାତ୍ରୀ ପ୍ରାଣ ହରାଇଲେ। ରେଳମନ୍ତ୍ରୀ ଏହାର ଉତ୍ତରଦାୟିତ୍ବ ନେବେ କି ନାହିଁ ? ରେଳ ମନ୍ତ୍ରୀ ନିଜ ପଦବିରୁ ଇସ୍ତଫା ଦେବା କଥା। କଂଗ୍ରେସ ଭଳି ଟିଏମ୍ସି, ସିପିଆଇ, ସିପିଆଇ(ଏମ୍ଏଲ୍), ଏନ୍ସିପି, ସମାଜବାଦୀ ପାର୍ଟି ପ୍ରମୁଖ ବିରୋଧୀ ଦଳ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଇସ୍ତଫା ଦାବି କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
#WATCH | Railway Minister has taken all necessary steps to restore the damage that happened. He is working tirelessly. Let the inquiry be completed. The minister is doing his best and demanding his resignation at this stage is not wise: JD(S) chief and former Prime Minister HD… pic.twitter.com/0txE3FgMf2
— ANI (@ANI) June 6, 2023
ତେବେ କେନ୍ଦ୍ର ରେଳ ମନ୍ତ୍ରୀଙ୍କ ଇସ୍ତଫା ଦାବି ଭିତରେ ଆଜି ବିରୋଧୀ ଦଳମାନଙ୍କୁ ଟାର୍ଗେଟ କରିଛନ୍ତି ପୂର୍ବତନ ପ୍ରଧାନମନ୍ତ୍ରୀ ତଥା ଜେଡିଏସ ସୁପ୍ରିମୋ ଏଚଡ଼ି ଦେବଗୌଡ଼ା | ଦେବଗୌଡ଼ା ଅଶ୍ଵିନୀଙ୍କୁ ପ୍ରଶଂସା କରି କହିଛନ୍ତି ଯେ ରେଳ ମନ୍ତ୍ରୀ ଯେଉଁ ସବୁ ପଦକ୍ଷେପ ନେବା କଥା ସେସବୁ ନେଇଛନ୍ତି | ସେ ବହୁତ ପରିଶ୍ରମ କରୁଛନ୍ତି | ତଦନ୍ତ ସମାପ୍ତ ହେବାକୁ ଦିଆଯାଉ | ରେଳ ମନ୍ତ୍ରୀ କ୍ଷତିର ଭରଣପୋଷଣ ସହ ରେଳଧାରଣା ପୁନରୁଦ୍ଧାର କାମ କରିବାକୁ ସବୁ ପଦକ୍ଷେପ ଉଠାଇଛନ୍ତି | ମୁଁ ଦେଖୁଛି ଯେ ସେ ୫୫ ଘଣ୍ଟାରୁ ଅଧିକ ସମୟ ଧରି ଘଟଣାସ୍ଥଳରେ ରହି ପରିଶ୍ରମ କରିଛନ୍ତି | ତେଣୁ ଏବେ ଇସ୍ତଫା ମାଗିବା ଠିକ ହେଉନାହିଁ | ସେ କହିଛନ୍ତି ଯେ ମୋ ଦଳ ରାଜନୀତିକୁ ଦେଖି ବୟାନବାଜି କରେ ନାହିଁ | ରେଳ ମନ୍ତ୍ରୀ ନିଜର ସର୍ବୋତ୍ତମ ଦେଉଥିବାବେଳେ ଇସ୍ତଫା ମାଗିବା ଠିକ ନୁହେଁ |